News September 10, 2025
இன்று கனமழை வெளுத்து வாங்கும்
தென்னிந்திய பகுதிகளின் மேல் வளிமண்டல கீழடுக்கு சுழற்சி நிலவுகிறது. இதன் காரணமாக கோவை, நீலகிரி, திருவள்ளூர், காஞ்சி, ராணிப்பேட்டை, தி.மலை, கள்ளக்குறிச்சி, சேலம், தருமபுரி, ஈரோடு, தேனி, திண்டுக்கல்லில் இன்று கனமழைக்கு வாய்ப்புள்ளதாக IMD எச்சரித்துள்ளது. அதேபோல், சென்னையில் இடியுடன் கூடிய மழை பெய்யக்கூடும் என்றும், மணிக்கு 30-40 கிமீ வேகத்தில் பலத்த காற்று வீசக்கூடும் எனவும் அலர்ட் கொடுத்துள்ளது.
Similar News
News September 10, 2025
மகளிர் உரிமைத் தொகை குறித்து உதயநிதி அப்டேட்
விடுபட்ட மகளிருக்கு விரைவில் உரிமைத் தொகை வழங்கப்படும் என DCM உதயநிதி உறுதியளித்துள்ளார். இந்த திட்டம் தொடர்பான புதிய அறிவிப்பு செப்.15-ம் தேதி தான் வெளியாகும் என கூறப்பட்ட நிலையில், முன்கூட்டியே அறிவிப்பு வெளியாகும் என எதிர்பார்க்கப்படுகிறது. தற்போது வரை இத்திட்டத்தில் 1.2 கோடி பேர் மாதம் ₹1,000 பெற்று வருகின்றனர்.
News September 10, 2025
கத்தாரில் இஸ்ரேல் வான்வழி தாக்குதல்
இதுவரை மத்திய கிழக்கு நாடுகளில் தாக்குதல் நடத்திவந்த இஸ்ரேல், ஐக்கிய அரபு அமீரகத்திலும் தாக்குதலை தொடங்கியுள்ளது. நேற்று நள்ளிரவில், கத்தாரின் தோஹாவில் உள்ள ஹமாஸ் அலுவலகம் மீது இஸ்ரேல் வான்வழி தாக்குதல் நடத்தியது. இதில் ஹமாஸ் தலைவர் உயிர்தப்பியதாகவும் தகவல் வெளியாகியுள்ளது. பணயக் கைதிகள் விடுவிப்பு உள்ளிட்ட பேச்சுவார்த்தைகள் நடந்துவரும் நிலையில், இஸ்ரேல் தாக்குதல் நடத்தியுள்ளது விவாதமாகியுள்ளது.
News September 10, 2025
விஜய்க்கு பதிலடி கொடுத்த TVK தலைவர்
தவெக தலைவர் விஜய்யின் தேர்தல் பரப்புரைக்கு திருச்சி போலீசார் பல்வேறு கட்டுப்பாடுகளை விதித்தனர். இதனால், விஜய்யின் மக்கள் செல்வாக்கை பார்த்து திமுக அரசு பயப்படுவதாக தவெகவினர் விமர்சித்து வருகின்றனர். இதுகுறித்து பேசிய தவாக (TVK) தலைவர் வேல்முருகன், விஜய்யை கண்டு திமுக ஒருபோதும் அஞ்சாது; ஆளானப்பட்ட அம்மையார் இந்திரா காந்தியையும், நேருவையும் சந்தித்த கட்சி திமுக என்று வேல்முருகன் தெரிவித்துள்ளார்.