News February 25, 2025
2 நாட்களுக்கு கனமழை: IMD
நாளை கடலோர தமிழகத்தில் ஓரிரு இடங்களிலும், நாளை மறுநாள் உள்தமிழகத்தில் ஓரிரு இடங்களிலும், இடி, மின்னலுடன் மிதமான மழை பெய்யக்கூடும் என்று IMD தெரிவித்துள்ளது. 28ஆம் தேதி தஞ்சை, திருவாரூர், நாகை, மயிலாடுதுறை, புதுக்கோட்டை, ராமநாதபுரம், தூத்துக்குடி, நெல்லை, குமரியிலும், 1ஆம் தேதி குமரி, நெல்லை, தென்காசி, தூத்துக்குடி, ராமநாதபுரத்திலும் கனமழை பெய்யக்கூடும் என்றும் IMD கூறியுள்ளது.
Similar News
News February 25, 2025
ஏறுமுகத்தில் மும்பை பங்குச்சந்தை
மும்பை பங்குச்சந்தையில் வர்த்தகம் ஏற்றத்துடன் தொடங்கியுள்ளது. சென்செக்ஸ் 267 புள்ளிகள் உயர்ந்து 74,722 புள்ளிகளில் வர்த்தகமாகிறது. தேசிய பங்குச் சந்தையான நிஃப்டியும் 51 புள்ளிகள் அதிகரித்து 22,604 புள்ளிகளில் வர்த்தகமாகி வருகிறது. பஜாஜ் ஃபின்சர்வ், அதானி போர்ட்ஸ், ஆட்டோ மற்றும் வங்கித் துறைகளின் பங்குகள் லாபம் ஈட்டியுள்ளன. எனினும் நேற்றைய வீழ்ச்சியால் முதலீட்டாளர்கள் கலக்கத்திலேயே உள்ளனர்.
News February 25, 2025
காயமடைந்த ரோஹித், ஷமி..? ஸ்ரேயாஸ் ஐயர் ஸ்டேட்மெண்ட்
இந்திய அணி எளிதில் பாகிஸ்தானை வீழ்த்தினாலும் போட்டியின் போது ரோஹித், <<15555464>>ஷமி<<>> ஆகியோர் காயத்தால் அவதிப்பட்டதாக கூறப்படுகிறது. ஷமி மைதானத்திலேயே துடித்த நிலையில், ஃபீல்டிங்கில் இருந்து ரோஹித் சிறுது நேரம் ஓய்வு எடுத்துக் கொண்டார். இது குறித்து போஸ்ட் மேட்ச் பிரசன்டேஷனில் போது பேசிய ஸ்ரேயாஸ் ஐயர், ‘நான் இருவரிடமும் பேசினேன். அவர்களுக்கு பெரிய காயங்கள் எதுவும் இல்லை’ என தெரிவித்தார்.
News February 25, 2025
உங்கள் பெயரில் போலி சிம் இருப்பதை அறிவது எப்படி?
* முதலில் https://sancharsaathi.gov.in/ பக்கத்துக்குச் செல்லவும் *‘Useful Links’ஐ கிளிக் செய்யவும் *அதில், ‘Know Mobile Connections in Your Name’ஐ கிளிக் செய்யவும் *நீங்கள் பயன்படுத்தும் ஆதாருடன் இணைக்கப்பட்டுள்ள மொபைல் எண், Captchaவை கொடுத்தால், OTP வரும். அதனை கொடுத்தால், உங்கள் பெயரில் இருக்கும் எண்கள் காட்டும் *அங்கு சரிபார்த்து, எந்த நம்பர் உங்களுடையது இல்லையோ அதை ரிப்போர்டும் செய்யலாம்.