News October 5, 2025
ஹமாஸ் விரைவாக முடிவெடுக்க வேண்டும்: டிரம்ப்
டிரம்ப் முன்மொழிந்த அமைதி திட்டத்துக்கு ஒப்புதல் அளித்த இஸ்ரேல், அன்றிரவே காசாவில் வான்வெளி தாக்குதலை நடத்தியது. இதில் 7 பேர் உயிரிழந்தனர். பின்னர் இத்தாக்குதல் நிறுத்தப்பட்டது. இந்நிலையில், தாக்குதலை நிறுத்தியதற்கு டிரம்ப் பாராட்டு தெரிவித்துள்ளார். மேலும், பணயக் கைதிகளை விடுவிப்பது மட்டுமல்லாமல், மற்ற அம்சங்களை ஹமாஸ் விரைவாக ஒப்புக்கொள்ள வேண்டும் என அவர் வலியுறுத்தியுள்ளார்.
Similar News
News March 24, 2026
மோடி விரைவில் ரஷ்யாவுக்கு பயணம்
PM மோடி ரஷ்யாவுக்கு பயணம் மேற்கொள்ள உள்ளதாக ரஷ்ய வெளியுறவு அமைச்சர் செர்ஜி லாவ்ரோவ் தெரிவித்துள்ளார். இந்தியா – ரஷ்யா சர்வதேச மாநாட்டில் பேசிய அவர், மோடியை வரவேற்பதற்கு ஆவலுடன் காத்திருப்பதாக கூறினார். மேலும், காலத்தால் அழியாத இரு நாடுகளின் நட்புறவை அவர் பாராட்டினார். கடந்தாண்டு டிசம்பர் மாதம் ரஷ்ய அதிபர் புடின் 2 நாள்கள் இந்தியாவுக்கு பயணம் மேற்கொண்டார் என்பது குறிப்பிடத்தக்கது.
News March 24, 2026
தினம் ஒரு திருக்குறள்
▶குறள் பால்: பொருட்பால் ▶இயல்: அமைச்சியல் ▶அதிகாரம்: அமைச்சு ▶குறள் எண்: 642 ▶குறள்: ஆக்கமுங் கேடும் அதனால் வருதலால் காத்தோம்பல் சொல்லின்கட் சோர்வு. ▶பொருள்: ஆக்கமும் அழிவும் சொல்லால் ஏற்படும் என்பதால், எந்தவொரு சொல்லிலும் குறைபாடு நேராமல் கவனமாக இருக்க வேண்டும்.
News March 24, 2026
இந்தியா சவால்களுக்கு அஞ்சாது: PM மோடி
இந்தியா சவால்களுக்கு அஞ்சாமல் அவற்றை எதிர்கொள்ளும் என்று PM மோடி கூறியுள்ளார். போரின் தாக்கம் உலகின் அனைத்து துறைகளையும் பாதித்துள்ளதாகவும், போர் சூழல்களை நாம் கையாளும் விதத்தையே உலக நாடுகள் பின்பற்றுவதாகவும் தெரிவித்தார். எப்போதும் அமைதி பேச்சுவார்த்தைகளை வரவேற்கும் இந்தியாவின் பொருளாதாரம் வேகமாக வளர்ந்து வருகிறது என்றும் இந்தியா நம்பிக்கையுடன் முன்னேறி வருகிறது எனவும் அவர் குறிப்பிட்டார்.