News September 19, 2025
13 பந்துகளில் அரைசதம்.. அதிரடி காட்டிய வீரர்
சர்வதேச டி20 போட்டிகளில் அதிவேக அரைசதம் விளாசிய 3-வது வீரர் என்ற சாதனையை நமீபியா வீரர் ஜேன் ஃபிரைலிங்க் படைத்துள்ளார். ஜிம்பாப்வே அணிக்கு எதிரான 3-வது டி20-ல், வெறும் 13 பந்துகளில் அவர் அரைசதம் அடித்தார். 31 பந்துகளை எதிர்கொண்ட அவர் 6 சிக்சர்கள், 8 பவுண்டரிகள் விரட்டி 77 ரன்கள் எடுத்தார். நமீபியா 20 ஓவர்களில் 204 ரன்கள் குவித்த நிலையில், சேஸ் செய்த ஜிம்பாப்வே 28 ரன்கள் வித்தியாசத்தில் தோற்றது.
Similar News
News September 19, 2025
OTT-ல் வெளியாகும் மகா அவதார் நரசிம்மா
மஹா விஷ்ணுவின் அவதாரங்களில் ஒன்று நரசிம்ம அவதாரம். இதனை மையமாக கொண்டு ‘மகா அவதார் நரசிம்மா’ என்ற படம் வெளியானது. ₹13 கோடி பட்ஜெட்டில் உருவான இந்த படம் ₹300 கோடி வரை பாக்ஸ் ஆபிஸில் வாரி குவித்தது. அனிமேஷன் படமாக வெளியானதால், குழந்தைகள் உள்பட அனைவரும் ரசித்தனர். இந்நிலையில், இந்தப் படம் நாளை முதல் Netflix தளத்தில் வெளியாகிறது. தமிழ், தெலுங்கு, மலையாளம், கன்னடம் ஆகிய மொழிகளிலும் ரிலீஸாகிறது.
News September 19, 2025
75 வயதில் விரதமிருக்கும் PM மோடி
செப்.17-ம் தேதி 75-வது பிறந்தநாள் கொண்டாடிய PM மோடி, ஜூன் மத்தியில் தொடங்கிய சாதுர்மாஸ் விரதத்தை கடைபிடித்து வருகிறார். 4 மாதங்கள் நீடிக்கும் இந்த விரத காலத்தில் PM ஒரு நாளைக்கு ஒரு முறை மட்டுமே உணவு சாப்பிடுவார். 9 நாள்கள் கொண்டாடப்படும் நவராத்திரியில் PM, உணவு சாப்பிடுவதை தவிர்த்து தண்ணீர் மட்டுமே குடிப்பார் என்று கூறப்படுகிறது. அதே போல சைத்ர நவராத்திரி விரதத்தையும் பிரதமர் கடைபிடிக்கிறார்.
News September 19, 2025
ரோபோ சங்கருக்கு CM ஸ்டாலின் இரங்கல்
திரைக்கலைஞர் ரோபோ சங்கர் மறைவெய்திய செய்தியறிந்து வருத்தமுற்றதாக CM ஸ்டாலின் தெரிவித்துள்ளார். மேடைகளில் துவங்கி, சின்னத்திரை – வண்ணத்திரை என விரிந்து, தமிழ்நாட்டு மக்களை மகிழ்வித்தவர் ரோபோ சங்கர் எனவும், அவரை இழந்து வாடும் குடும்பத்தினருக்கும், கலையுலகினருக்கும் ஆழ்ந்த இரங்கலையும் தெரிவித்துள்ளார். ரோபோ சங்கரின் மறைவிற்கு பல்வேறு பிரபலங்களும் இரங்கல் தெரிவித்து வருகின்றனர்.