News September 3, 2025
GST பிரச்னை: எதிர்க்கட்சி நிதியமைச்சர்கள் ஆலோசனை
GST வரிவிதிப்பில் மாற்றம் கொண்டுவரப் போவதாக மத்திய அரசு அறிவித்த நிலையில், இன்று GST கவுன்சில் கூட்டம் நடைபெற உள்ளது. அதற்கு முன்னதாக, எதிர்க்கட்சிகள் ஆளும் மாநில நிதியமைச்சர் ஆலோசனை கூட்டம் ஒன்று தமிழ்நாடு இல்லத்தில் நடந்தது. GST வரி விகிதங்களை குறைப்பதால் மாநிலங்களுக்கு ஏற்படும் இழப்பை, மத்திய அரசு ஈடுசெய்ய வேண்டும் என்பது எதிர்க்கட்சிகளின் வலியுறுத்தலாக உள்ளது. செவி சாய்ப்பாரா நிதியமைச்சர்?
Similar News
News December 24, 2025
விவசாயிகளின் வயிற்றில் அடிக்கும் திமுக: நயினார்
டிட்வா புயலால் பாதிக்கப்பட்ட விவசாயிகளுக்கு திமுக அரசு இன்னும் இழப்பீடு வழங்கவில்லை என நயினார் நாகேந்திரன் தெரிவித்துள்ளார். திமுக அரசு வாழ்விழந்த விவசாயிகளின் வயிற்றில் அடிப்பதாக குற்றஞ்சாட்டியுள்ள அவர், ஏக்கருக்கு ₹30,000 வழங்கி விவசாயிகளின் துயரத்தை துடைப்பதே சிறந்தது என்று தெரிவித்துள்ளார். திமுக அரசின் இந்த அலட்சியமே அக்கட்சியின் அரியணைக்கு முடிவுரை எழுதப்போவதாகவும் அவர் குறிப்பிட்டுள்ளார்.
News December 24, 2025
₹3,100 கோடி வசூலை வாரிக்குவித்த அவதார்
ஜேம்ஸ் கேமரூன் இயக்கத்தில் வெளியான ‘அவதார்: 3’ படம் கலவையான விமர்சனங்களை பெற்றது. இருப்பினும், படத்தின் வசூலை விமர்சனங்கள் எந்தளவிலும் பாதிக்கவில்லை. கடந்த 19-ம் தேதி வெளியான இந்த படம், கடந்த 5 நாள்களில் உலகளவில் கிட்டத்தட்ட ₹3,135 கோடியை வசூலித்திருப்பதாக கூறப்படுகிறது. இந்தியாவில் மட்டும் ₹82 கோடி வசூலித்துள்ளதாம். நீங்க படம் பாத்தாச்சா?
News December 24, 2025
இஷான் கிஷனின் மரண அடி.. 14 சிக்சர்களுடன் சதம்
தனது அதிரடி ஆட்டத்தால் சையத் முஸ்டாக் அலி கோப்பையை ஜார்க்கண்ட் வெல்ல முக்கிய காரணமாக இருந்தார் இஷான் கிஷன். அதே பார்மில் இப்போது விஜய் ஹசாரேவிலும் ருத்ரதாண்டவம் ஆடியுள்ளார். கர்நாடகாவுக்கு எதிராக 33 பந்துகளில் சதம் அடித்து இஷான் வியக்க வைத்துள்ளார். 7 பவுண்டரிகள், 14 சிக்சர்கள் உட்பட 125 ரன்களை விளாசி ஜார்க்கண்ட் 412 ரன்களை குவிக்க அவர் உதவினார்.