News October 15, 2025
பைக்கர்களை கார் ஓனர்களாக மாற்றிய GST 2.0
GST 2.0 பைக்கர்கள் பலரை கார் வாங்க வைத்துள்ளதாக மாருதி சுசூகி SEO பார்த்தோ பானர்ஜி தெரிவித்துள்ளார். சிறிய கார்கள் விற்பனை 16.6%ஆக இருந்த நிலையில், GST 2.0 அமலான பிறகு, அது 22% ஆக உயர்ந்ததாகவும், ஷோரூம்களில் ஹெல்மெட் அணிந்த பலரை பார்த்ததாகவும் அவர் கூறியுள்ளார். கடந்த செப்.3 முதல் 22-ம் தேதி வரை நாளொன்றுக்கு 1 லட்சம் புக்கிங் நடந்ததாகவும், அதில் 80,000 சிறிய கார்கள் என்றும் தெரிவித்துள்ளார்.
Similar News
News October 15, 2025
பாலிவுட் வரை சிரிக்க வைத்த வடிவேலு
‘காந்தாரா: சாப்டர் 1’ படத்தில் குலசேகர ராஜாவாக நடித்தவர் குல்ஷன் தேவய்யா. பாலிவுட் நடிகரான இவர், 2018-ல் தான் நடித்த ‘Mard Ko Dard Nahi Hota’ என்ற படத்தில் வடிவேலுவை போல செய்ததை நினைவுகூர்ந்துள்ளார். சமீபத்திய நேர்காணல் ஒன்றில் தென்னிந்திய சினிமா பற்றி பேசிய அவர், ‘ஹய்யோ ஹய்யோ’ என்ற வடிவேலுவின் டயலாக்கை தான் பயன்படுத்தியதாகவும், அவரது முக பாவனைகள் தனக்கு பிடிக்கும் எனவும் தெரிவித்துள்ளார்.
News October 15, 2025
பின் வாங்கினார் பிரசாந்த் கிஷோர்
பிஹார் தேர்தல் நவ.6 மற்றும் நவ.11 ஆகிய தேதிகளில் இருகட்டங்களாக நடைபெறும் என அறிவிக்கப்பட்டது. அனைத்து அரசியல் கட்சிகளும், தேர்தல் பணிகளில் தீவிரமாக இறங்கி உள்ளன. இந்த தேர்தலில் பிரஷாந்த் கிஷோர் போட்டியிடுவார் என கூறப்பட்டது. இந்நிலையில், தேர்தலில் போட்டியிடப்போவதில்லை எனவும், ஜன் சுராஜ் கட்சிக்கான களப்பணிகளில் மட்டுமே ஈடுபடவுள்ளதாகவும் அவர் விளக்கமளித்துள்ளார்.
News October 15, 2025
காஸா போர் முடிவுக்கு வருவதில் சிக்கலா?
அமெரிக்க அதிபர் டிரம்ப், ஹமாஸுக்கு கடுமையான எச்சரிக்கை விடுத்துள்ளார். காஸா போர் நிறுத்தம் குறித்த முதற்கட்ட பேச்சுவார்த்தையிலேயே ஆயுதங்களை கைவிடுவதற்கு தயக்கம் காட்டியது ஹமாஸ். இந்நிலையில், ஆயுதங்களை கைவிடுங்கள் இல்லையெனில் கடுமையான விளைவுகளை எதிர்கொள்ள வேண்டி வரும் என டிரம்ப் மீண்டும் எச்சரித்துள்ளார். மேலும், ஹமாஸ் ஒத்துழைக்காவிட்டால் USA ராணுவ நடவடிக்கையை எடுக்கும் எனவும் கூறியுள்ளார்.