News February 27, 2025
ஒற்றுமைக்கான மாபெரும் யாகம்: PM மோடி நெகிழ்ச்சி
பிரயாக்ராஜில் நடந்த மிகப் பெரிய திருவிழாவான கும்பமேளா நேற்றுடன் முடிந்துள்ளது. இதனை ஒற்றுமைக்கான மாபெரும் யாகம் சிறப்பாக நிறைவடைந்திருப்பதாக பிரதமர் மோடி தனது X பக்கத்தில் மகிழ்ச்சி தெரிவித்துள்ளார். பிரயாக்ராஜில் நடந்த ஒற்றுமைக்கான மகா கும்பமேளா 140 கோடி மக்களின் நம்பிக்கை. 45 நாட்களில் மக்கள் அனைவரும் ஒன்றிணைந்து பிரயாக்ராஜில் புனித நீராடியது மிகப் பெரிய விஷயம் எனவும் புகழ்ந்துள்ளார்.
Similar News
News February 27, 2025
வக்பு வாரிய சட்ட திருத்தத்திற்கு மத்திய அமைச்சரவை ஒப்புதல்
வக்பு வாரிய சட்ட திருத்த மசோதாவிற்கு மத்திய அமைச்சரவை ஒப்புதல் அளித்துள்ளது. நாடு முழுவதும் கடந்த 6 மாதங்களாக ஆய்வு செய்து, 14 திருத்தங்களை மேற்கொள்ள பார்லி. கூட்டுக் குழு பரிந்துரை செய்தது. இந்த 14 திருத்தங்களுக்கும் அமைச்சரவை ஒப்புதல் அளித்துள்ளது. வரும் மார்ச் 10ஆம் தேதி துவங்க உள்ள பட்ஜெட் தொடரின் 2ஆவது அமர்வில், இந்த திருத்த மசோதாவை மத்திய அரசு தாக்கல் செய்யும் என எதிர்பார்க்கப்படுகிறது.
News February 27, 2025
நாளை ஆஜராக முடியாது: போலீசுக்கு சீமான் சவால்
நடிகை விஜயலட்சுமி அளித்த புகாரில், ஆஜராக போலீஸ் சம்மன் ஒட்டிய நிலையில், நாளை வர முடியாது; என்ன செய்ய முடியும் என்று போலீசாருக்கு சீமான் சவால் விடுத்துள்ளார். நான் ஆஜராவேன் என உறுதியளித்த பின்னரும் காவல் துறைக்கு என்ன அவசரம் வந்தது. இந்த வழக்கில் என்னை மீண்டும் மீண்டும் விசாரித்து அசிங்கப்படுத்தவே முயற்சி நடக்கிறது. காவல் துறையின் இதுபோன்ற நடவடிக்கைகளை கண்டு நான் பயப்பட மாட்டேன் என தெரிவித்தார்.
News February 27, 2025
ரீ–ரிலீஸாகும் ரவி மோகன் படங்கள்
ஜெயம் திரைப்படம் மூலம் தமிழ் திரையுலகில் அறிமுகமானவர் ரவி மோகன். தற்போது திரைத்துறையில் கால்பதித்து 20 ஆண்டுகளை நிறைவு செய்துள்ளார். அதனை கொண்டாடும் வகையில் அவர் நடித்த முதல் படமான ஜெயம், M.குமரன் சன் ஆஃப் மகாலட்சுமி திரைப்படங்கள் விரைவில் ரீ–ரிலீஸ் ஆகவுள்ளன. இந்த திரைப்படங்கள் 4K டிஜிட்டல் தொழில்நுட்பத்தில் தியேட்டர்களில் ரீ –ரிலீஸாகின்றன. இதனால் ரவியின் ரசிகர்கள் உற்சாகமடைந்துள்ளனர்.