News August 12, 2025
பல மாவட்டங்களில் அரசுப் பள்ளிகள் மூடல்
தமிழகத்தில் சுமார் 207 அரசுப் பள்ளிகளில் மாணவர் எண்ணிக்கை பூஜ்ஜியம் ஆனதால், அப்பள்ளிகள் மூடப்பட்டு வருவதாக அதிர்ச்சி தகவல் வெளியாகியுள்ளது. இதில், அதிகபட்சமாக நீலகிரியில் 17 பள்ளிகளும், சிவகங்கை 16, திண்டுக்கல் 12, சென்னை, மதுரை, ஈரோட்டில் 10 பள்ளிகளும் மூடப்பட்டுள்ளன. அதேபோல், கோவை, திருப்பூர், விருதுநகர், தி.மலை, குமரி, நெல்லை உள்ளிட்ட பல மாவட்டங்களில் பள்ளிகள் மூடப்பட்டுள்ளதாக கூறப்படுகிறது.
Similar News
News August 12, 2025
வீட்டுக்கே சென்று ரேஷன் பொருள்களை வழங்கிய CM
வீட்டுக்கே சென்று ரேஷன் பொருள்களை வழங்கும் தாயுமானவர் திட்டத்தை CM ஸ்டாலின் தொடங்கி வைத்தார். சென்னையில் பயனாளிகளின் வீட்டுக்கே சென்று ஸ்டாலின் பொருள்களை வழங்கினார். இந்த திட்டத்தின் மூலம் 21.70 லட்சம் முதியோர், மாற்றுதிறனாளிகள் பயன்பெற உள்ளனர். இதனை ஒவ்வொரு மாதமும் 2-வது சனி மற்றும் ஞாயிற்றுக்கிழமைகளில் நடைமுறைப்படுத்த முடிவு எடுக்கப்பட்டுள்ளது.
News August 12, 2025
தங்கம் விலை 2 நாளில் ₹1200 குறைந்தது
கடந்த வாரம் முழுவதும் ஏறுமுகத்தில் இருந்த ஆபரணத் தங்கம், இந்த வாரம் இறங்கு முகத்தில் இருக்கிறது. குறிப்பாக, வாரத்தின் முதல் நாளான நேற்று சவரனுக்கு ₹560, இன்று ₹640 என 2 நாளில் மொத்தம் ₹1200 குறைந்துள்ளது. இதனால், மகிழ்ச்சி அடைந்துள்ள நகைப்பிரியர்கள், வரும் நாள்களில் மேலும் விலை குறையும் என எதிர்பார்க்கின்றனர். தற்போதைய சூழலும் அப்படிதான் அமைந்திருக்கிறது.
News August 12, 2025
BLA பயங்கரவாத அமைப்பு என அமெரிக்கா அறிவிப்பு
பலூசிஸ்தான் விடுதலைப் படை(BLA) மற்றும் அதன் துணை அமைப்பான மஜீத் படைப்பிரிவை பயங்கரவாத அமைப்புகள் என அமெரிக்கா அறிவித்துள்ளது. பாகிஸ்தான் ராணுவத் தளபதி அசிம் முனிர் அமெரிக்காவில் இருக்கும் நிலையில், இந்த அறிவிப்பு வெளியாகியுள்ளது. பாகிஸ்தானில் கனிமவளம் நிறைந்த பலுசிஸ்தான் மாகாணத்தை தனி நாடாக அறிவிக்க வேண்டும் என கோரி BLA அந்நாட்டுக்கு எதிராக தாக்குதல்களில் ஈடுபட்டு வருவது கவனிக்கதக்கது.