News January 17, 2026
Gold Rate-ஐ குறைக்க நடவடிக்கை எடுப்பாரா நிர்மலா?
தங்கம் விலை வரலாறு காணாத புதிய உச்சத்தை எட்டியுள்ளது. இன்று சவரனுக்கு ₹1,06,240-க்கு விற்கப்படும் நிலையில், மத்திய பட்ஜெட்டில் தங்கம் விலையை குறைப்பதற்கான நடவடிக்கை எடுக்கப்படுமா என்ற எதிர்பார்ப்பு எழுந்துள்ளது. அதாவது, 2024-ல் தங்கத்திற்கான இறக்குமதி வரி 15%-லிருந்து 6% ஆக குறைக்கப்பட்டது. அதேபோல், வரும் பட்ஜெட்டிலும் தங்கத்திற்கான இறக்குமதி வரியை குறைத்தால், தங்கம் விலை கணிசமாக குறையும்.
Similar News
News February 19, 2026
பள்ளிகளுக்கு விடுமுறை.. கலெக்டர் அறிவிப்பு
மேல்மலையனூர் அங்காளம்மன் கோயில் திருத்தேர் உற்சவத்தை முன்னிட்டு வரும் 21-ம் தேதி விழுப்புரம் மாவட்டத்திற்கு உள்ளூர் விடுமுறை அறிவிக்கப்பட்டுள்ளது. அன்றைய தினம், பள்ளி, கல்லூரிகள், மாநில அரசு அலுவலகங்கள் இயங்காது என கலெக்டர் ஷேக் அப்துல் ரஹ்மான் தெரிவித்துள்ளார். அதேபோல், பொன் மாரியம்மன் கோயில் திருவிழாவையொட்டி, தருமபுரி மாவட்டத்தில் பாலக்கோடு வட்டத்திற்கு பிப்.25 அன்று உள்ளூர் விடுமுறையாகும்.
News February 19, 2026
மனைவியை அடிக்கலாம்… தாலிபனின் புதிய சட்டம்
உலகம் முழுவதும் ஆதிக்கத்துக்கு முதலில் பலியாவது பெண்களும் குழந்தைகளும் தான். ஆப்கனை ஆளும் தாலிபன் ஆட்சியில் வந்துள்ள புதிய விதிகளின் படி கணவன்கள் தங்கள் மனைவிகளையும் குழந்தைகளையும் அடித்து உதைக்கலாமாம். ஒரே கண்டிஷன் எலும்பு முறிவு, வெளியே தெரியுமளவு பெரிய காயங்கள் ஏற்படுத்தக் கூடாதாம். அதையும் மீறினால், அந்த குற்றத்தை மனைவி கோர்ட்டில் நிரூபித்தால், அதிகபட்சம் 15 நாள் ஜெயில் தண்டனையாம்.
News February 19, 2026
பிரேமலதா போட்டியிடும் தொகுதி இதுவா?
திமுக கூட்டணியில் இணைந்திருக்கும் பிரேமலதா, தேர்தலில் போட்டியிடுவதாக கூறியிருக்கிறார். இந்நிலையில், இவர் விருதாச்சலம் (அ) ரிஷிவந்தியத்தில் போட்டியிடலாம் என கூறப்படுகிறது. இந்த தொகுதிகளில் 2006, 2011-ல் வென்றார் விஜயகாந்த். எனவே இந்த செண்ட்டிமெண்ட்டை அவர் கையில் எடுக்கலாம் என்கின்றனர். விஜயபிரபாகரனும் விருதுநகரில் களமிறங்கலாம் என பேசப்படுவதால் அந்த 1 MP சீட் யாருக்கும் என கேள்வி எழுந்துள்ளது.