News March 25, 2025
தொடர்ந்து குறையும் தங்கம் விலை
ஜெட் வேகத்தில் உயர்ந்து வந்த ஆபரணத் தங்கத்தின் விலை தொடர்ந்து குறைந்து கொண்டே வருகிறது. கடந்த மூன்று நாட்களில் மட்டும் தங்கம் விலை ₹680 குறைந்துள்ளது. கடந்த சில தினங்களாக அமெரிக்க டாலருக்கு நிகரான இந்திய ரூபாயின் மதிப்பு தொடர்ந்து உயர்ந்து வருகிறது. மேலும், பங்குச் சந்தையும் ஏற்றம் கண்டுள்ளதால் வரும் நாள்களில் தங்கத்தின் விலை மேலும் குறைய வாய்ப்புள்ளதாக பொருளாதார வல்லுநர்கள் கூறுகின்றனர்.
Similar News
News December 23, 2025
தேனி: பைக் மீது பேருந்து மோதி இருவர் படுகாயம்
பெரியகுளம் அருகே எ.புதுப்பட்டி பகுதியை சேர்ந்தவர் செல்வம். இவர் நேற்று (டிச.22) அவரது பைக்கில் அவரது நண்பரான சுப்பிரமணி என்பவரை அழைத்துக் கொண்டு பெரியகுளம் பைபாஸ் சாலையில் சென்று கொண்டிருந்தார். அப்போது எதிர் திசையில் தினேஷ்குமார் என்பவர் ஓட்டி வந்த பேருந்து இவர்களது பைக் மீது மோதியது. இதில் பைக்கில் சென்ற இருவரும் படுகாயம் அடைந்தனர். விபத்து குறித்து பெரியகுளம் போலீசார் வழக்கு பதிந்துள்ளனர்.
News December 23, 2025
ஒரே ஓவரில் 5 விக்கெட் எடுத்து உலக சாதனை!
சர்வதேச கிரிக்கெட்டில் முதல்முறையாக ஒரே ஓவரில் 5 விக்கெட்டுகளை வீழ்த்தி இந்தோனேசிய வீரர் கெடே பிரியந்தனா(28) சாதனை படைத்துள்ளார். பாலியில் இன்று நடைபெற்ற டி20 போட்டியில் 168 இலக்கை நோக்கி விளையாடிய கம்போடியா அணி 15 ஓவர்களில் 106-5 என்ற நிலையில் இருந்தது. இந்நிலையில் 16வது ஓவரை வீசிய வேகப்பந்து வீச்சாளர் பிரியந்தனா, ஒரே ஓவரில் மீதமுள்ள 5 விக்கெட்டுகளையும் (WWW0WW) கைப்பற்றி அசத்தினார்.
News December 23, 2025
புதுச்சேரியில் உதவித் தொகை அதிகரிப்பு.. CM அறிவிப்பு
புதுச்சேரியில் மாற்றுத் திறனாளிகளுக்கான மாதாந்திர உதவித் தொகையை மேலும் ₹1,000 உயர்த்தி CM ரங்கசாமி அறிவித்துள்ளார். அதாவது, வழக்கமாக ₹4,700 வழங்கப்பட்டு வந்த நிலையில், இனி ₹5,700 வழங்கப்படும் என அவர் தெரிவித்துள்ளார். மேலும், ரேஷனில் மாற்றுத் திறனாளிகளுக்கான அரிசி 20 கிலோவாக உயர்த்தப்பட்டுள்ளது. தமிழகத்தில் மாற்றுத் திறனாளிகளுக்கு மாதாந்திர உதவித் தொகை ₹1,500 வழங்கப்பட்டு வருவது குறிப்பிடத்தக்கது.