News March 19, 2025
தங்கம் விலை சவரனுக்கு மேலும் ₹320 உயர்வு
சென்னையில் ஆபரணத் தங்கத்தின் விலை இன்று (மார்ச் 19) சவரனுக்கு ₹320 உயர்ந்துள்ளது. இதனால் 22 கேரட் தங்கம் ஒரு கிராம் ₹8,290க்கும், சவரன் ₹66,320க்கும் விற்பனையாகிறது. நேற்று சவரனுக்கு ₹320 உயர்ந்த நிலையில், இன்றும் விலை உயர்வை சந்தித்துள்ளது. அதேபோல், வெள்ளி கிராமுக்கு ₹1 உயர்ந்து புதிய உச்சமாக ஒரு கிராம் ₹114க்கும், பார் வெள்ளி கிலோ ₹1,14,000க்கும் விற்பனையாகிறது.
Similar News
News March 19, 2025
ரசிகர்களை குஷிப்படுத்தும் கார்த்திக் சுப்பராஜ்
சூர்யா, கார்த்திக் சுப்பராஜ் கூட்டணியில் உருவாகியுள்ள ரெட்ரோ படம் வரும் மே ஒன்றாம் தேதி திரைக்கு வருகிறது. படத்தின் ஒவ்வொரு நகர்வையும் ஏற்கனவே கார்டூன் வடிவில் வெளியிட்டு அசத்தி வருகின்றனர். சமீபத்தில் இப்படத்தின் முதல் பாடலான ‘கண்ணாடி பூவே’ பாடல் வெளியாகி நல்ல வரவேற்பை பெற்றது. இதனையடுத்து படத்தின் 2ஆவது பாடலான கனிமா வரும் 21ஆம் தேதி வெளியாக உள்ளதாக கார்த்திக் சுப்பராஜ் அறிவித்துள்ளார்.
News March 19, 2025
மனைவி ஆபாச படம் பார்க்கலாமா? ஐகோர்ட் தீர்ப்பு
மனைவிக்கு தவறான நடத்தையால் அவருக்கு பால்வினை நோய் உள்ளது, அவர் தனிமையில் ஆபாசப் படம் பார்க்கிறார். இது தனக்கு இழைக்கும் கொடுமை என்று கூறி கணவர் விவாகரத்து கேட்டிருந்தார். இவ்வழக்கின் மேல்முறையீட்டு மனுவை தள்ளுபடி செய்த மதுரை ஐகோர்ட், ‘குற்றச்சாட்டுகளை மனுதாரர் நிரூபிக்கவில்லை. மேலும், மனைவி தனிமையில் ஆபாச படங்கள் பார்ப்பது, தனிநபராக அவரது உரிமை, இது கொடுமை இழைப்பதாகாது’ என்று தீர்ப்பளித்தது.
News March 19, 2025
இந்தியர்கள் சுற்றுலா செல்ல விரும்பும் நாடுகள் எவை?
இந்தியர்கள் அதிகம் விரும்பி பயணிக்கும் நாடுகளின் பட்டியலில் ஐக்கிய அரபு அமீரகம் முதலிடத்தில் உள்ளது. இங்கு ஆண்டுக்கு 72 லட்சம் இந்தியர்கள் சுற்றுலாவுக்காக பயணம் மேற்கொள்கிறார்கள். இதற்கு அடுத்தப்படியாக சவுதி அரேபியா (31 லட்சம்) உள்ளது. மேலும், அமெரிக்கா (21 லட்சம்), தாய்லாந்து (15 லட்சம்), சிங்கப்பூர் (14 லட்சம்) உள்ளிட்ட நாடுகளுக்கு இந்தியர்கள் சுற்றுலாவுக்காக ஒவ்வொரு ஆண்டும் பயணிக்கிறார்கள்.