News February 26, 2025
தங்கம் விலை சவரனுக்கு ₹200 குறைவு
சென்னையில் ஆபரணத் தங்கத்தின் விலை இன்று (பிப்.26) சவரனுக்கு ₹200 குறைந்துள்ளது. இதனால், 22 கேரட் தங்கம் ஒரு கிராம் ₹8,050க்கும், சவரன் ₹64,400க்கும் விற்பனை செய்யப்படுகிறது. அதேபோல் வெள்ளி விலையும் கிராமுக்கு ₹2 குறைந்து ₹106க்கும், கிலோ வெள்ளி ₹1,06,00க்கும் விற்பனையாகிறது. தங்கம் விலை சரிவால் நகைப் பிரியர்கள் மகிழ்ச்சி அடைந்துள்ளனர். தங்கம் விலை திடீர் சரிவு குறித்து உங்கள் கருத்து என்ன?
Similar News
News February 26, 2025
மகளை பெற்ற தந்தையா… ஹேப்பி நியூஸ்
மகள்களை பெறாத தந்தையரை விட, மகள்களை பெற்ற தந்தையர் 2 ஆண்டுகள் கூடுதலாக வாழ்வதாகவும், அவர்களின் மனநலமும், சுயமதிப்பும் சிறப்பாக உள்ளதாகவும் போலந்து ஆய்வில் தெரிய வந்துள்ளது. மகன்கள் இருந்தாலும், இல்லையென்றாலும் மகள்கள் இருந்தால் சராசரியாக 74 வாரங்கள் தந்தையரின் ஆயுள் கூடுகிறதாம். அதேபோல குழந்தைகள் இல்லாத பெற்றோரை விட, குழந்தைகள் உள்ள பெற்றோர் ஆரோக்கியமாகவும் நீண்ட ஆயுளுடனும் வாழ்கிறார்களாம்.
News February 26, 2025
பிரதிநிதித்துவத்தை இழக்கும் தென்மாநிலங்கள்: ஆ.ராசா
தொகுதி மறுசீரமைப்பு என்பது மக்கள் தொகையின் அடிப்படையில் இருக்கக்கூடாது என ஆ.ராசா கூறியுள்ளார். தொகுதி விகிதாச்சாரமா, மக்கள் தொகை விகிதாச்சாரமா என்பது குழப்பமாக உள்ளதாகவும், மக்களவைத் தொகுதியை மறுசீரமைப்பு செய்தால் நாடாளுமன்றத்தில் தென்மாநிலங்கள் பிரதிநிதித்துவத்தை இழக்கும் என்றும் எச்சரித்துள்ளார். வடமாநிலங்களில் தொகுதிகளின் எண்ணிக்கையை அதிகரிப்பது TNக்கு இழைக்கப்படும் அநீதி என்றும் சாடியுள்ளார்.
News February 26, 2025
‘L2: எம்புரான்’ போஸ்டர் வெளியீடு
பெரிதும் எதிர்பார்க்கப்பட்ட மோகன்லாலின் ‘L2: எம்புரான்’ படத்தின் போஸ்டர் வெளியாகியுள்ளது. பிருத்விராஜ் இயக்கத்தில் வெளியாகி பெரும் வெற்றி பெற்ற ‘லூசிஃபர்’ படத்தின் 2ஆம் பாகமாக உருவாகியுள்ள இப்படத்தில் டொவினோ தாமஸ், மஞ்சு வாரியர் உட்பட முக்கிய நட்சத்திரங்கள் நடித்துள்ளனர். முதல் பாகத்தில் ஸ்டீபன் நெடும்பள்ளி குறித்த கதை வெளியான நிலையில், 2வது பாகம் குரேஷி அபிராம் குறித்த கதையாக அமைந்துள்ளது.