News August 14, 2025
தங்கம் ₹1,440 சரிவு.. நகை வாங்க சரியான நேரம்..!
இறங்கு முகத்தில் இருக்கும் ஆபரணத் தங்கத்தின் விலை, கடந்த ஒரு வாரத்தில் மட்டும் சவரனுக்கு ₹1,440 சரிந்துள்ளது. ஆக. 8-ல் ₹75,760-க்கு விற்கப்பட்டு வந்த 1 சவரன், இன்றைய நிலவரப்படி ₹74,320-க்கு விற்பனையாகி வருகிறது. பொதுவாக, ஆடி மாதத்தில் கல்யாணம் உள்ளிட்ட சுப நிகழ்ச்சிகள் நடைபெறுவது இல்லை. தற்போது, ஆவணி தொடங்க இருப்பதால் திருமண நிகழ்ச்சிகளுக்கு நகை வாங்குபவர்கள் இந்த விலை சரிவை பயன்படுத்தி கொள்ளலாம்.
Similar News
News August 14, 2025
சில மணி நேரத்தில் ஆன்லைனில் கசிந்தது ‘கூலி’
ரஜினி நடிப்பில் இன்று வெளியாகி தியேட்டர்களை திருவிழாக் கோலமாக மாற்றியுள்ள கூலி திரைப்படம், சில மணிநேரங்களிலேயே ஆன்லைனில் கசிந்துள்ளது. படத்தின் HD PRINT தமிழ் ராக்கர்ஸ் உள்ளிட்ட டோரண்ட் இணையதளங்களில் இலவசமாக டவுன்லோடு செய்யப்பட்டு வருவதாக தகவல் வெளியாகியுள்ளது. படத்தை ஆன்லைனில் வெளியிட 36 இணையதளங்களுக்கு ஐகோர்ட் தடை விதித்திருந்தது குறிப்பிடத்தக்கது.
News August 14, 2025
இடி, மின்னலுடன் மழை வெளுக்கும்: IMD
வங்கக் கடலில் காற்றழுத்த தாழ்வுப் பகுதி வலுப்பெற்றுள்ள நிலையில், தமிழகத்தில் ஈரோடு, திண்டுக்கல் உள்ளிட்ட மாவட்டங்களில் மழை பெய்து வருகிறது. இந்நிலையில், இரவு 7 மணி வரை ராணிப்பேட்டை, திருவள்ளூர், காஞ்சிபுரம், சேலம், தருமபுரி, தி.மலை, புதுக்கோட்டை, தஞ்சை, தென்காசி, கோவை, நெல்லை ஆகிய மாவட்டங்களில் மழை பெய்யக்கூடும் என IMD கணித்துள்ளது. அதனால், வெளியே செல்பவர்கள் கவனமாக இருங்க!
News August 14, 2025
தூய்மை பணியாளர்களுக்கான 6 அறிவிப்புகள்
*தூய்மை பணியாளர்களுக்கு நோய்களை கண்டறிந்து சிகிச்சை அளிக்க தனித் திட்டம். *பணியின் போது இறக்க நேரிட்டால், குடும்பத்தினருக்கு ₹10 லட்சம். *சுய தொழில் தொடங்குவோருக்கு ₹3.50 லட்சம் மானியம். கடனை தவறாமல் செலுத்தினால் 6% வட்டி மானியம். *குழந்தைகள் எந்த பள்ளியில் படித்தாலும், அனைத்து கட்டணங்களும் வழங்கும் வகையில் ‘புதிய உயர் கல்வி உதவித் தொகை திட்டம்’. *வசிப்பிடத்திலேயே சொந்த வீடு. *இலவச காலை உணவு.