News August 11, 2024
வருங்கால துணை முதல்வர் உதயநிதி: கீதா ஜீவன்
உதயநிதி ஸ்டாலினுக்கு துணை முதல்வர் பதவி கொடுக்கப்படவுள்ளதாக கடந்த மாதம் முதல் தகவல் பரவி வருகிறது. ஆனால், உதயநிதி இதனை மறுத்தார். அதே சமயத்தில், வரும் 19-ம் தேதிக்கு பிறகு அவருக்கு துணை முதல்வர் பதவி வழங்கப்படும் என அமைச்சர் ராஜகண்ணப்பன் பேசியது பரபரப்பை ஏற்படுத்தியது. இந்நிலையில், அமைச்சர் கீதாஜீவன் இன்று ஒரு நிகழ்ச்சியில் பேசுகையில், உதயநிதியை வருங்கால துணை முதல்வர் எனக் குறிப்பிட்டார்.
Similar News
News March 30, 2026
தவெக கட்சியினர் பால்வாடிகள்: சேகர் பாபு
விஜய்யின் பிரசாரத்துக்கு அனுமதி மறுக்கப்பட்ட விவகாரத்தில் தவெகவின் செயல்பாட்டை சேகர் பாபு கிண்டலடித்து பேசியுள்ளார். பிரசாரத்துக்கு எப்படி அனுமதி வாங்க வேண்டும் என்பது கூட தெரியாத பால்வாடிகள்(தவெகவினர்) என விமர்சித்த அவர், இவர்கள் எப்படி தேர்தலை சந்தித்து ஆட்சி அமைப்பார்கள் என சாடியுள்ளார். மேலும், மே 4-ம் தேதி அனைத்துக்கும் தீர்ப்பு கிடைத்துவிடும் என்றார்.
News March 30, 2026
நடிகை ஜனனிக்கு டும் டும் டும்❤️❤️
அவன் இவன், தெகிடி போன்ற படங்களின் மூலம் தமிழ் ரசிகர்களின் மனம் கவர்ந்த நடிகை ஜனனி வாழ்க்கையில் புதிய அத்தியாயம் தொடங்கியுள்ளது. அவர் தனது காதலரான சாய் ரோஷன் ஷாமை இன்று திருமணம் செய்துகொண்டார். காதல் கணவருடன் இருக்கும் போட்டோக்களை ஜனனி இன்ஸ்டாவில் பகிர்ந்துள்ளார். கடந்தாண்டு எளிமையான முறையில் இருவருக்கும் நிச்சயதார்த்தம் நடந்தது குறிப்பிடத்தக்கது.
News March 30, 2026
IPL டாஸ்: CSK பேட்டிங்
CSK-க்கு எதிரான ஆட்டத்தில் டாஸ் வென்ற RR, பவுலிங்கை தேர்வு செய்துள்ளது. முதல் ஆட்டத்தில் தோனி மற்றும் டிவால்ட் பிரேவிஸ் பங்கேற்காதது CSK-வுக்கு பெரும் பின்னடைவாக பார்க்கப்படுகிறது. கவுகாத்தியில் நடைபெறும் இந்த போட்டி பேட்டிங், பவுலிங் இரண்டுக்குமே சாதமாக இருக்கும் என எதிர்பார்க்கப்படுகிறது. போட்டி சரியாக 7.30 மணிக்கு தொடங்கும்.