News January 22, 2025
திருப்பதியில் நாளை முதல் இலவச தரிசன டோக்கன்
திருப்பதியில் நாளை முதல் இலவச தரிசன டோக்கன் விநியோகிக்கப்படும் என TTD அறிவித்துள்ளது. வைகுண்ட ஏகாதசியையொட்டி, கடந்த 9ஆம் தேதி முதல் திருப்பதியில் உள்ள கவுன்டர்களில் இலவச தரிசன டோக்கன் விநியோகம் நிறுத்தி வைக்கப்பட்டிருந்தது. இந்நிலையில், நாளை முதல் திருப்பதியில் உள்ள சீனிவாசம், விஷ்ணு நிவாஸம், மலை அடிவாரத்தில் உள்ள பூதேவி காம்ப்ளக்ஸ் ஆகிய இடங்களில் டோக்கன்கள் வழங்கப்படவுள்ளன.
Similar News
News November 29, 2025
டிட்வா புயல்: இலங்கைக்கு உதவிக்கரம் நீட்டிய இந்தியா!
டிட்வா புயலால் <<18410040>>இலங்கை<<>> கடுமையாக பாதிக்கப்பட்டுள்ள நிலையில், மீட்பு பணிகள் தீவிரமாக நடைபெற்று வருகின்றன. இந்நிலையில், இந்தியா சார்பில் இன்று காலை இந்திய விமான படையின் சி-130 ஜே விமானத்தில் நிவாரண பொருள்கள் அனுப்பி வைக்கப்பட்டுள்ளன. இது குறித்து பதிவிட்டுள்ள ஜெய்சங்கர், ஆபரேஷன் சாகர்பந்து என்ற பெயரில், சுமார் 12 டன் எடையுள்ள நிவாரண பொருள்கள் கொழும்புவில் தரையிறங்கியுள்ளதாக குறிப்பிட்டுள்ளார்.
News November 29, 2025
நடிகையின் காலில் விழுந்து ஆசிபெற்ற ரஜினிகாந்த் (PHOTO)
நடிகர் ரஜினிகாந்த், மூத்த நடிகை வைஜெயந்தி மாலாவின் காலில் விழுந்து ஆசிபெற்ற போட்டோ டிரெண்டாகிறது. சென்னையில் 2 நாள்களுக்கு முன்பு நடைபெற்ற நிகழ்ச்சியில், சிறப்பு விருந்தினராக பங்கேற்ற ரஜினிகாந்த், வைஜெயந்தி மாலாவுக்கு கலாசார விருது வழங்கி கவுரவித்தார். அப்போது, வைஜெயந்தி மாலாவின் காலில் விழுந்து ஆசிபெற்றார். ரஜினியே ஆசிபெற்ற நடிகை யார் என இளம் தலைமுறையினர் ஆர்வமுடன் இணையத்தில் தேடி வருகின்றனர்.
News November 29, 2025
10th மாணவர்களுக்கு கடைசி வாய்ப்பு
10-ம் வகுப்பு பொதுத்தேர்வு எழுதவுள்ள மாணவர்களின் பெயர் பட்டியலை அரசு தேர்வுத்துறை தயாரிக்கவுள்ளது. இதற்காக ‘EMIS’ தளத்தில் மாணவர்களின் விவரங்கள் சரியாக உள்ளதா என்பதை செக் செய்து, திருத்த உத்தரவிட்டிருந்தது. இந்நிலையில், திருத்தம் மேற்கொள்வதற்கான கால அவகாசம் நவ.27 உடன் முடிவடைந்த நிலையில், டிச.5 வரை நீட்டித்து தேர்வுத்துறை அறிவித்துள்ளது. இதுவரை செய்யாதவர்கள் உடனே செய்யுங்கள்.