News March 29, 2025
இந்திய ராணுவத்தில் இணையும் ‘பறக்கும் எமன்’!
முழுக்க முழுக்க உள்நாட்டில் தயாரிக்கப்படும் ‘ப்ரச்சந்த்’ எனும் அதிநவீன போர் ஹெலிகாப்டர்கள், விரைவில் இந்திய ராணுவத்தில் சேரவுள்ளன. இதற்கான ஒப்புதலை மத்திய அமைச்சரவை இன்று வழங்கியது. ரூ.62,700 கோடி செலவில் மொத்தம் 156 ஹெலிகாப்டர்களை இந்தியா வாங்கவுள்ளது. 5.8 டன் எடையும், 16,400 அடி உயரம் வரை பறக்கும் திறன் கொண்ட இந்த ஹெலிகாப்டர்கள், சீனா மற்றும் பாகிஸ்தான் எல்லை அருகே நிலைநிறுத்தப்படவுள்ளன.
Similar News
News March 31, 2025
பிரபல அரசியல் தலைவருக்கு 4 ஆண்டு சிறை?
பிரான்ஸின் பிரபல வலதுசாரி அரசியல் தலைவரான லீ பென்-ஐ குற்றவாளி என அந்நாட்டு நீதிமன்றம் தீர்ப்பளித்துள்ளது. ஐரோப்பிய யூனியன் நிதியை முறைகேடாக கட்சிக்கு பயன்படுத்திக் கொண்டதாக அவர்மீது குற்றஞ்சாட்டப்பட்டது. இதையடுத்து அரசுப் பதவிவகிக்க அவருக்கு தடை விதிக்கப்பட்டது. இதனால் இவர் 2027 அதிபர் தேர்தலில் போட்டியிட முடியாத நிலை ஏற்பட்டுள்ளது. மேலும் அவருக்கு 4 ஆண்டுகள் சிறை தண்டனையும் வழங்கப்பட்டுள்ளது.
News March 31, 2025
இருவேறு விபத்துகளில் 4 பேர் பலி
விருதுநகர் மாவட்டம் ஸ்ரீவில்லிபுத்தூர் அருகே ஆட்டோ மீது வேன் மோதிய விபத்தில் தந்தையும் மகளும் உயிரிழந்தனர். மாயதேவன்பட்டி விலக்கில் ஆட்டோ ஓட்டுநர் செல்வம் (46), அவரது மகள் சுமித்ரா (18) இருவரும் ஆட்டோவில் செல்லும்போது விபத்தில் சிக்கினர். அதேபோல, அவினாசி அருகே பைக் மீது கார் மோதியதில் பைக்கில் சென்ற தம்பதியினர் உயிரிழந்தனர்.
News March 31, 2025
மீண்டும் மோதும் பகத் பாசில் – வடிவேலு… தேதி குறிச்சாச்சு!
மாமன்னன் படத்திற்கு பிறகு பகத் பாசில் – வடிவேலு நடிப்பில் உருவாகிவரும் படம் மாரீசன். சூப்பர் குட் பிலிம்ஸ் தயாரிக்கும் இந்த படம் ஜூலையில் வெளியாகும் என அறிவிக்கப்பட்டுள்ளது. இருவரும் இருக்கும் புதிய போஸ்டரும் வெளியிடப்பட்டுள்ளது. சுதீஷ் சங்கர் இயக்கும் மாரீசன் படத்தில், விவேக் பிரசன்னா, ரேணுகா, சித்தாரா உள்ளிட்டோரும் முக்கிய கதாபாத்திரத்தில் நடித்து வருகின்றனர். யுவன் இசையமைத்து வருகிறார்.