News April 9, 2025
பிரபல தயாரிப்பாளர் காலமானார்
மூத்த பாலிவுட் தயாரிப்பாளர் சலீம் அக்தர் (87) நேற்று நள்ளிரவு காலமானார். உடல்நலக் குறைபாடு காரணமாக மும்பையில் உள்ள திருபாய் அம்பானி ஹாஸ்பிடலில் சிகிச்சை பெற்று வந்த நிலையில் அவர் உயிரிழந்தார். ராணி முகர்ஜி, தமன்னா போன்ற நட்சத்திர நாயகிகளை திரையுலகிற்கு அறிமுகப்படுத்தியவர். அவர் அமீர் கான், பாபி தியோல், மிதுன் சக்ரவர்த்தி மற்றும் பல முன்னணி நடிகர்களுடன் இணைந்து பணியாற்றியுள்ளார்.
Similar News
News April 17, 2025
நாங்கள் ஹிந்தியர்கள் கிடையாது: ராஜ் தாக்கரே
மஹாராஷ்டிர பள்ளிகளில் 3ஆவது மொழியாக ஹிந்தி கட்டாயம் படிக்க வேண்டும் என்ற அம்மாநில அரசின் அறிவிப்பை நவநிர்மான் சேனா தலைவர் ராஜ் தாக்கரே கடுமையாக சாடியுள்ளார். தாங்கள் இந்துக்களே தவிர ஹிந்தியர்கள் இல்லை எனவும், ஹிந்தி தேசிய மொழி இல்லை எனவும் அவர் விமர்சித்துள்ளார். மேலும், தேர்தல் வெற்றிக்காக மராத்தியர்கள்- மராத்தி அல்லாதவர்களுக்கு இடையே அரசு மோதலை உருவாக்குவதாகவும் சாடியுள்ளார்.
News April 17, 2025
26 பந்துகளில் சதம்.. 24 சிக்ஸர்களை விளாசிய வீரர்
ஐரோப்பிய கிரிக்கெட் தொடரில் (T10) புதிய சாதனை படைக்கப்பட்டுள்ளது. சிவிட்டாவெச்சியா அணிக்கு எதிரான போட்டியில், மிலன் வீரர் ஜையின் நக்வி, வெறும் 26 பந்துகளில் சதம் விளாசினார். கிரிக்கெட் வரலாற்றில் குறைந்த பந்துகளில் சதம் அடித்த வீரர் என்ற புதிய சாதனையை அவர் படைத்துள்ளார். 24 சிக்ஸர், 2 ஃபோர் என 37 பந்துகளில் 160* ரன்களை அடித்தார். 8, 10-வது ஓவர்களில் 6 பந்துகளுக்கு 6 சிக்ஸர்களை விளாசினார்.
News April 17, 2025
தவெக கொடி வழக்கு: விஜய் பதில் அளிக்க உத்தரவு
தவெக கொடியில் இடம்பெற்றுள்ள யானை படத்துக்கு தடை கோரி பகுஜன் சமாஜ் கட்சியின் சார்பில் சென்னை உரிமையியல் நீதிமன்றத்தில் வழக்குத் தொடரப்பட்டது. அதில் கொடியில் யானைகள் இடம்பெற்றிருப்பது தேர்தல் சின்னங்கள் விதிகளுக்கு முரணானது எனவும் கூறப்பட்டிருந்தது. இதை விசாரித்த நீதிமன்றம் ஏப்ரல் 29-ம் தேதிக்குள் தவெக தலைவர் விஜய், பொதுச்செயலாளர் ஆனந்த் பதில் அளிக்க உத்தரவிட்டுள்ளது.