News April 15, 2025
பிரபல இயக்குநர் எஸ்.எஸ்.ஸ்டான்லி காலமானார்
பிரபல இயக்குநரும், நடிகருமான எஸ்.எஸ்.ஸ்டான்லி(58) உடல்நலக்குறைவால் சென்னையில் காலமானார். தனுஷ் நடிப்பில் ‘புதுக்கோட்டையில் இருந்து சரவணன்’, ஸ்ரீகாந்த் நடிப்பில் ‘ஏப்ரல் மாதத்தில்’, ‘கிழக்கு கடற்கரை சாலை’ உள்ளிட்ட திரைப்படங்களை இயக்கியுள்ளார். பெரியார் திரைப்படத்தில் அண்ணா கதாபாத்திரத்தில் நடித்து பலரது கவனத்தை ஈர்த்தார். ஸ்டான்லி மறைவுக்கு திரைப்பிரபலங்கள் பலரும் இரங்கல் தெரிவித்து வருகின்றனர்.
Similar News
News January 20, 2026
‘ஆமா, என் மனைவியை நான் தான் கொன்றேன்’
ஆஸ்திரேலியாவில் இந்திய வம்சாவளியை சேர்ந்த விக்ராந்த் தாகூர் குடும்ப தகராறில் தனது மனைவியை(36) கொலை செய்துள்ளார். இதுதொடர்பான வழக்கில், ‘ஆம், என் மனைவியை நானே கொலை செய்தேன். ஆனால், உள்நோக்கத்தோடு கொலை செய்யவில்லை’ என வாக்குமூலம் அளித்துள்ளார். மேலும், சூழ்நிலை காரணமாகவே இவ்வாறு நடந்துவிட்டதாகவும் கண்ணீருடன் கூறியுள்ளார். உடற்கூராய்வு முடிவு கிடைத்தவுடன் கோர்ட் தீர்ப்பளிக்க உள்ளது.
News January 20, 2026
இப்படி ஒரு அநாகரிக கவர்னரை TN கண்டதில்லை: SP
சட்டப்பேரவை வரலாற்றில் இல்லாத அளவிற்கு ஒரு களங்கத்தை கவர்னர் RN ரவி ஏற்படுத்தியுள்ளதாக செல்வப்பெருந்தகை விமர்சித்துள்ளார். மேலும், மரபுப்படி தேசிய கீதம் இறுதியில் பாடப்படும் என சபாநாயகர் கூறியும் கவர்னர் ஏற்கவில்லை என்றும், மைக் ஆஃப் செய்யப்பட்டது என அப்பட்டமாக பொய் பேசும் இப்படி ஒரு அநாகரிக கவர்னரை TN சட்டமன்றம் இதுவரை கண்டதில்லை எனவும் SP வேதனை தெரிவித்துள்ளார்.
News January 20, 2026
ஏ.ஆர்.ரஹ்மானுக்கு துணையாக நிற்கிறேன்: கனிமொழி
மதம், மொழி, அடையாளங்களை கடந்து நிற்கும் ஒரு கலைஞனை திட்டமிட்டு குறி வைப்பதும், அதிகாரத்தில் இருப்பவர்களின் அதிர்ச்சியூட்டும் மௌனமும் வருத்தமளிப்பதாக கனிமொழி தெரிவித்துள்ளார். <<18883288>>ஏ.ஆர்.ரஹ்மான்<<>> நாட்டின் இசையை உலகிற்கு கொண்டு சென்ற படைப்பாளி மட்டுமல்ல; இந்தியாவின் கலாசார விழுமியங்களின் முதன்மையான தூதர் என்று கூறியுள்ளார். தான் ஏ.ஆர்.ரஹ்மானுக்கு துணையாக நிற்பதாகவும் அவர் குறிப்பிட்டுள்ளார்.