News September 15, 2025
விஜய்க்கு ஆதரவாக களமிறங்கிய பிரபல நடிகர்
சிரஞ்சீவி, கமலுடன் தவெக தலைவர் விஜய்யை ஒப்பிட்டு விமர்சனம் செய்வது நல்லது அல்ல என்று அவருக்கு ஆதரவாக இயக்குநரும், நடிகருமான சுப்பிரமணிய சிவா களமிறங்கியுள்ளார். பல ஊர்கள் சென்று வருவதன் அடிப்படையில் அழுத்தமாக சொல்கிறேன்; விஜய்யை சாதாரணமாக நினைத்துவிட வேண்டாம். வரலாற்றின் வேலை துணிந்தவனை தலைவனாக்குவது தான் எனக் கூறிய அவர், விஜய் வரவு அரசியலில் ஒரு அதிர்வு என்பதே உண்மை என்று தெரிவித்துள்ளார்.
Similar News
News September 15, 2025
அரசியலில் அற்புத தலைவர் அண்ணா: விஜய்
குடும்ப ஆதிக்கமற்ற அற்புத அரசியல் தலைவர் பேரறிஞர் அண்ணா என அவரது 117-வது பிறந்தநாளையொட்டி விஜய் தனது X பக்கத்தில் பதிவிட்டுள்ளார். மேலும், இரட்டை வேடம் போட்டு மக்களை ஏமாற்றாமல் அவர்களுக்காக உண்மையாக உழைத்தவர் எனவும் குறிப்பிட்டுள்ளார். ‘மக்களிடம் செல்’ என்ற அவரது அரசியல் மந்திரத்தை பின்பற்றி, 1967 அரசியல் மாற்றத்தை மக்கள் ஆதரவுடன் செயல்படுத்த வேண்டும் எனவும் தவெகவினருக்கு அறிவுறுத்தியுள்ளார்.
News September 15, 2025
BREAKING: தங்கம் விலை குறைந்தது
சென்னையில் ஆபரணத் தங்கத்தின் விலை இன்று(செப்.15) சவரனுக்கு ₹80 குறைந்துள்ளது. இதனால், 22 கேரட் தங்கம் 1 கிராம் ₹10,210-க்கும், சவரன் ₹81,680-க்கும் விற்பனையாகிறது. வெள்ளி விலையில் மாற்றமின்றி 1 கிராம் ₹143-க்கும், பார் வெள்ளி 1 கிலோ ₹1,43,000-க்கும் விற்பனையாகிறது. கடந்த வாரத்தில்(திங்கள்கிழமை) ஏறு முகத்துடன் தொடங்கிய தங்கம் இந்த வாரத்தில் இறங்குமுகத்துடன் தொடங்கியுள்ளது.
News September 15, 2025
தமிழகத்தில் 8 நாள்களுக்கு மழை: IMD
தென்னிந்திய பகுதிகளின் மேல் நிலவும் வளி மண்டல மேலடுக்கு சுழற்சி காரணமாக வரும் 17-ம் தேதி முதல் 24-ம் தேதி வரை பரவலாக மழைக்கு வாய்ப்புள்ளதாக கணிக்கப்பட்டுள்ளது. அந்த வகையில், கிருஷ்ணகிரி, தருமபுரி, சேலம், வேலூர், ராணிப்பேட்டை, காஞ்சிபுரம். செங்கல்பட்டு, தி.மலை, விழுப்புரம் மாவட்டங்களில் 17-ம் தேதி கனமழை பெய்யும் என IMD கூறியுள்ளது. இதனால் குடையை ரெடியா வையுங்க மக்களே..!