News October 16, 2025
ஊராட்சி தனி அலுவலர்களின் பதவிக்காலம் நீட்டிப்பு
2019-ல் தேர்ந்தெடுக்கப்பட்ட உள்ளாட்சி பிரதிநிதிகளின் பதவிக்காலம் கடந்த ஜன.5 உடன் நிறைவுற்றது. இவ்வாறு பதவிக்காலம் நிறைவடைந்த 28 மாவட்டங்களிலும் தனி அலுவலர்கள் நியமிக்கப்பட்டு, செயல்பட்டு வருகின்றனர். இந்நிலையில், இந்த தனி அலுவலர்களின் பதவிக் காலத்தை 2026, ஜன.5 வரை நீட்டிப்பு செய்வதற்கான சட்ட முன் வடிவை அமைச்சர் ஐ.பெரியசாமி பேரவையில் அறிமுகம் செய்தார். இது நாளை நிறைவேற்றப்படவுள்ளது.
Similar News
News October 16, 2025
₹12,400 கோடி சொத்து இருந்தும் இது தேவையா?
₹12,400 கோடி சொத்து இருந்தும் பான் மசாலா விளம்பரங்களில் ஏன் நடிக்கிறீர்கள் என்று, நடிகர் ஷாருக்கானுக்கு பிரபல யூடியூபர் துருவ் ரதீ கேள்வி எழுப்பியுள்ளார். பான் மசாலா விளம்பரத்திற்காக ஷாருக் ₹100 கோடி சம்பளம் பெற்றதாக கூறப்படுகிறது. இந்நிலையில், ₹12,400 கோடி சொத்து இருக்கும்போது, கூடுதலாக ₹100 கோடி தேவையா எனவும், உங்களுக்கு சமூக பொறுப்பு இல்லையா எனவும் யூடியூபர் துருவ் கேள்வி எழுப்பியுள்ளார்.
News October 16, 2025
அண்ணாமலைக்கு நன்றி தெரிவித்த தனுஷ்
‘இட்லி கடை’ படத்தை பாராட்டிய அண்ணாமலைக்கு தனுஷ் நன்றி கூறியுள்ளார். படத்தில் எழுத்து, இயக்கம், நடிப்பு என மூன்றையும் சிறப்பாக கையாண்டு அற்புதமான படைப்பை, தனுஷ் வெளிக்கொண்டு வந்திருப்பதாக அண்ணாமலை கூறியிருந்தார். இதற்கு X-ல் பதிலளித்துள்ள தனுஷ், உங்களின் அன்பான வார்த்தைகளுக்கும், பாராட்டுகளுக்கும் படக்குழு சார்பில் நன்றி என்றும் நேரம் ஒதுக்கி படம் பார்த்ததற்கு மகிழ்ச்சி எனவும் தெரிவித்துள்ளார்.
News October 16, 2025
FLASH: விலை மளமளவென குறைகிறது
விண்ணை முட்டும் அளவுக்கு உயர்ந்துவரும் வெள்ளியின் விலை, சீக்கிரமே சரிவை சந்திக்குமாம். கடந்த தீபாவளியில் 1 கிலோ ₹1.1 லட்சமாக இருந்த நிலையில், ஒரே ஆண்டில் விலை டபுளாகியுள்ளது. இந்நிலையில், தீபாவளிக்கு பிறகு வெள்ளி விலை குறையும் என நிபுணர்கள் கணித்துள்ளனர். விநியோகம் அதிகரிப்பது, முதலீட்டாளர்கள் மாற்றுவழியில் கவனம் செலுத்துவது உள்ளிட்டவை விலை சரிவுக்கு காரணமாக அமையும் என அவர்கள் கூறுகின்றனர்.