News August 23, 2025
தனிப்பெரும்பான்மை ஆட்சி.. அழுத்தி சொன்ன இபிஎஸ்
அதிமுக – பாஜக இடையே கூட்டணி ஆட்சி விவகாரம் மீண்டும் விஸ்வரூபம் எடுத்துள்ளது. நெல்லை மாநாட்டில் நேற்று பேசிய அமித்ஷா, தமிழகத்தில் தேசிய ஜனநாயக கூட்டணி ஆட்சியே அமையும் என மீண்டும் திட்டவட்டமாக கூறினார். இந்நிலையில், திருச்சியில் பரப்புரை மேற்கொண்ட இபிஎஸ், அதற்கு மாறாக பேசியுள்ளார். அதிமுக தனிப் பெரும்பான்மையுடன் ஆட்சி அமைக்கும் என ஆணித்தரமாக அவர் தெரிவித்துள்ளார். இதை எப்படி பார்க்குறீங்க?
Similar News
News March 21, 2026
புதுச்சேரி தேர்தலுக்கு தயாரான விஜய்
புதுச்சேரியில் என்.ஆர். காங்கிரஸுடன் கூட்டணி அமைத்து போட்டியிடலாம் என நினைத்த தவெகவுக்கு ஏமாற்றமே மிஞ்சியது. இதனால் 30 தொகுதிகளில் தவெக தனித்து களம் காண உள்ளது. இதற்கான வேட்பாளர்கள் பட்டியலை விஜய் இன்று வெளியிட உள்ளார். இவர்களும் அனைவரும் வரும் 23-ம் தேதி வேட்புமனு தாக்கல் செய்கின்றனர். தொடர்ந்து அடுத்த வாரம் புதுச்சேரியில் விஜய் பிரசாரம் செய்யவும் திட்டமிட்டுள்ளாராம்.
News March 21, 2026
பெட்ரோல், டீசல் விலை.. இரவில் புதிய அறிவிப்பு
பிரீமியம் பெட்ரோலின் விலையை லிட்டருக்கு ₹2 உயர்த்தி எண்ணெய் நிறுவனங்கள் நேற்று அறிவித்தது. அதன்படி நள்ளிரவு முதல் புதிய விலை அமலுக்கு வந்துள்ளது. இதனால் பவர், எக்ஸ்பி 95, ஸ்பீடு பெட்ரோல்களின் விலை ₹108 வரையில் விற்கப்படுகிறது. ஆனால், சாதாரண பெட்ரோல், டீசல் விலையில் எந்த மாற்றமும் இல்லை. சென்னையில் ஒரு லிட்டர் பெட்ரோல் விலை ₹100.80, டீசல் ₹92.39-ஆகவும் உள்ளது.
News March 21, 2026
டார்ச்லைட் சின்னத்தில் போட்டியிட மநீம விருப்பம்
மநீமவுக்கு 2 தொகுதிகளை ஒதுக்கி உதய சூரியனில் போட்டியிட திமுக கேட்டுக்கொண்டுள்ளது. ஆனால், 6 தொகுதிகளை கேட்கும் மநீம, டார்ச்லைட் சின்னத்தில்தான் போட்டியிடுவோம் என்று சொல்வதால், பேச்சுவார்த்தை இழுபறியில் உள்ளது. இந்நிலையில் கமல் தலைமையில் அக்கட்சியின் நிர்வாகிகள் கூட்டம் நடைபெற்றது. இதில் 100% டார்ச் லைட் சின்னத்தில் போட்டியிடுமாறு கமலிடம் நிர்வாகிகள் வலியுறுத்தியுள்ளதாக தகவல் வெளியாகியுள்ளது.