News December 10, 2025
EPS உடன் செங்கோட்டையன்… கடைசி PHOTO
அதிமுகவின் முதல் பொதுக்குழுவை நடத்தி, எம்ஜிஆரிடம் பாராட்டை பெற்றவர் செங்கோட்டையன். 50 ஆண்டுகால அரசியலில் அவர் இல்லாமல் ஒரு அதிமுக பொதுக்குழு கூட இதுவரை நடந்ததே இல்லை. தற்போது கட்சி மாறிவிட்டதால், இன்று நடக்கும் பொதுக்குழுதான் அவர் இல்லாமல் நடக்கும் முதல் பொதுக்குழுக் கூட்டம். இந்நிலையில், EPS உடன் அவர் (KAS) கடைசியாக பங்கேற்ற பொதுக்குழுவின் புகைப்படங்கள் சமூக வலைதளங்களில் வைரலாகி வருகின்றன.
Similar News
News December 10, 2025
எந்த ஷா வந்தாலும் முடியாது: மு.க.ஸ்டாலின் சவால்
தேனாம்பேட்டையில் நடந்த ‘என் வாக்குச்சாவடி, வெற்றி வாக்குச்சாவடி’ பரப்புரை நிகழ்ச்சியில் ஸ்டாலின் பங்கேற்றார். இதுதொடர்பான புகைப்படங்களை X பக்கத்தில் வெளியிட்ட அவர், ‘எந்த ஷா வந்தாலென்ன, எத்தனை திட்டம் போட்டாலென்ன. டெல்லி பாதுஷா என்ற நினைப்போடு தமிழ்நாட்டுக்கு வர நினைத்தால், ஒவ்வொரு வாக்குச்சாவடியிலும் எங்களது கருப்பு சிவப்புப் படை உங்களுக்கு தக்க பாடம் புகட்டும்’ என்று சூளுரைத்துள்ளார்.
News December 10, 2025
ODI கிரிக்கெட்டின் உச்சத்தை நெருங்கும் கோலி!
ODI பேட்டரிகளின் தரவரிசையில் கிங் கோலி 2-வது இடத்திற்கு முன்னேறியுள்ளார். SA-வுக்கு எதிரான தொடரில், 2 சதங்களும், ஒரு அரைசதமும் விளாசிய அவர் தொடர்நாயகன் விருதையும் வென்றிருந்தார். தரவரிசையில் அவர் 773 புள்ளிகளுடன் 2-வது இடத்தில் இருக்க, முதல் இடத்தில் ரோஹித் சர்மா(781 புள்ளிகள்) உள்ளார். ரோஹித்தும், கோலியும் ODI-யின் உச்சம் தொட்டுள்ளது ரசிகர்களை குஷிப்படுத்தியுள்ளது.
News December 10, 2025
பொங்கல் பரிசாக ₹5,000 கொடுக்க EPS வலியுறுத்தல்
2021-ல் அதிமுக ஆட்சியில் பொங்கல் பரிசாக ₹2,500 வழங்கப்பட்டதாக இபிஎஸ் தெரிவித்தார். பொதுக்குழு கூட்டத்தில் பேசிய அவர், இதுவரை திமுக ஆட்சியில் எந்த நல்ல திட்டமும் செயல்படுத்தவில்லை என கடுமையாக விமர்சித்தார். மேலும், வரும் தைப் பொங்கலுக்கு அனைத்து ரேஷன் அட்டைதாரர்களுக்கும் பொங்கல் பரிசாக ₹5,000 வழங்க வேண்டும் எனவும் தமிழக அரசுக்கு வலியுறுத்தியுள்ளார். இது பற்றி உங்கள் கருத்து என்ன?