News August 6, 2025
2026ல் வாரிசு அரசியலுக்கு முற்றுப்புள்ளி: இபிஎஸ்
திமுக ஆட்சியில் பாலியல் வன்கொடுமை அதிகரித்துள்ளதால், பெண்களுக்கு பாதுகாப்பு இல்லை என்று இபிஎஸ் விமர்சித்துள்ளார். 2026 தேர்தலில் வாரிசு அரசியலுக்கு முற்றுப்புள்ளி வைக்கப்படும் எனக் கூறிய அவர், தேர்தலுக்கு இன்னும் 7 மாதங்கள்தான் உள்ளன. திமுக ஆட்சிக்கு வென்டிலேட்டர் (ஆக்ஸிஜன்) பொருத்தப்பட்டு விட்டது. 2026 பேரவைத் தேர்தலில் அதிமுக கூட்டணியை மக்கள் வெற்றிபெற செய்ய வேண்டும் என்று தெரிவித்துள்ளார்.
Similar News
News August 6, 2025
வெள்ளி விலை உயர்வு
ஆபரணத் தங்கத்தின் விலையை தொடர்ந்து, வெள்ளி விலையும் உயர்ந்துள்ளது. வெள்ளியின் விலை கிராமுக்கு ₹1 உயர்ந்து ₹126-க்கும், கிலோ வெள்ளி ₹1000 உயர்ந்து ₹1,26,000-க்கும் விற்பனை செய்யப்படுகிறது. ஆகஸ்ட் 4-ம் தேதி கிலோ வெள்ளி ₹1,23,000ஆக இருந்த நிலையில், 2 நாளில் ₹3,000 அதிகரித்துள்ளது. வரும் நாள்களில் விலை குறையுமா என நகை பிரியர்கள் எதிர்பார்க்கின்றனர்.
News August 6, 2025
SI குடும்பத்திற்கு ஒரு கோடி நிதியுதவி: ஸ்டாலின்
மடத்துக்குளம் அதிமுக MLA-வின் தோட்டத்தில் கொலை செய்யப்பட்ட SI சண்முகசுந்தரத்தின் குடும்பத்திற்கு ஒரு கோடி நிதியுதவி வழங்கப்படும் என்று முதல்வர் ஸ்டாலின் அறிவித்துள்ளார். ஏற்கெனவே ₹30 லட்சம் நிதியுதவி வழங்கப்படும் என அறிவிக்கப்பட்ட நிலையில், தற்போது ஒரு கோடி நிதியுதவி வழங்கப்படும் என்றும் சண்முகசுந்தரத்தின் மகனுக்கு அரசு பணி வழங்கப்படும் எனவும் புதிய அறிவிப்பை வெளியிட்டுள்ளார்.
News August 6, 2025
பாஜகவுக்கு தான் அடிமை இல்லை: EPS
பாஜகவுக்கு தான் அடிமை இல்லை எனவும் கூட்டணி வேறு கொள்கை வேறு எனவும் EPS திட்டவட்டமாக தெரிவித்துள்ளார். பாஜக, அதிமுக இடையே எந்த பிரச்சனை இல்லை என்றும் விளக்கியுள்ளார். குறைகளே கண்டறிய முடியாத அளவுக்கு 5 ஆண்டுகள் அதிமுக ஆட்சி செய்ததாகவும் அவர் கூறியுள்ளார். திமுக ஆட்சியில் நிறுத்தப்பட்ட அதிமுகவின் திட்டங்கள் மீண்டும் செயல்பாட்டுக்கு வரும் எனவும் குறிப்பிட்டுள்ளார்.