News September 2, 2025
முற்றும் தமிழக பாஜக உள்கட்சி பூசல்?
2024 தேர்தல் தோல்விக்கு அண்ணாமலையே காரணம் என்று சென்னை வந்த நிர்மலா சீதாராமன் மறைமுகமாக சொன்னாராம். அத்துடன் அண்ணாமலை – நயினார் இடையே வார் ரூம் பிரச்னையும் தீவிரமடைகிறதாம். இதனிடையே நாளை (செப்.3) டெல்லியில் BJP உயர்மட்டக் குழு நடக்கவுள்ளதாக கூறப்படுகிறது. இதில் உள்கட்சி பிரச்னைகள் தீர்க்கப்பட்டு, தேர்தல் பொறுப்பாளர்கள் நியமனம் குறித்தும் விவாதிக்கப்படவுள்ளதாக அக்கட்சி வட்டாரங்கள் தெரிவிக்கின்றன.
Similar News
News September 2, 2025
வங்கி கடன் வட்டி குறைகிறது
செப். 1 முதல் பஞ்சாப் நேஷனல் வங்கி, பேங்க் ஆஃப் இந்தியா ஆகியவற்றில் கடன் வட்டி விகிதம் குறைக்கப்பட்டுள்ளது. வங்கிகள் நிர்ணயிக்கும் அடிப்படை வட்டி விகிதமான MCLR-ல் பஞ்சாப் நேஷனல் வங்கி 15 புள்ளிகள் வரை குறைத்துள்ளது. அதேபோல், பேங்க் ஆஃப் இந்தியா 5 – 15 புள்ளிகள் வரை குறைத்துள்ளதாக அறிவிக்கப்பட்டுள்ளது. இதனால், வீடு, கார் மற்றும் தனிநபர் கடன் பெறும் வாடிக்கையாளர்கள் நிம்மதியடைந்துள்ளனர்.
News September 2, 2025
கட்சியில் இருந்து கவிதாவை இடைநீக்கம் செய்த KCR
BRS கட்சியில் இருந்து தனது மகளை சந்திரசேகர ராவ் இடைநீக்கம் செய்து உத்தரவிட்டுள்ளார். கட்சிக்கு எதிராக செயல்பட்டதால், அவர் மீது நடவடிக்கை எடுக்கப்பட்டுள்ளதாக அக்கட்சியின் பொதுச்செயலாளர் ரவிந்தர் ராவ் தெரிவித்துள்ளார். ஹரிஷ் ராவ் உள்ளிட்ட முக்கிய தலைவர்களுக்கு எதிராக அவர் தெரிவித்த கருத்துகள், கட்சிக்குள் சர்ச்சையை ஏற்படுத்தியது. இதனால் கட்சிக்குள் குழப்பம் ஏற்பட அவர் மீது நடவடிக்கை பாய்ந்துள்ளது.
News September 2, 2025
இந்தியாவில் எடுபடாத டெஸ்லா கார் விற்பனை
எலான் மஸ்கின் டெஸ்லா, எலக்ட்ரிக் கார் விற்பனையை சமீபத்தில் இந்தியாவில் தொடங்கியது. ஆனால், அதிக வரியின் காரணமாக டெஸ்லா கார்களின் விலை மற்ற EV கார்களை ஒப்பிடுகையில் மிக அதிகம் என்பதால் அதன் விற்பனை மந்தமாகவே உள்ளது. இதுவரை 600 கார்களே இந்தியாவில் புக்கிங் செய்யப்பட்டுள்ளன. ஒப்பீட்டளவில் எடுத்துக்கொண்டால் உலகளவில் ஒரு மணி நேரத்தில் டெஸ்லா 600 கார்களை விற்பனை செய்து வருகிறது.