News August 20, 2025
ஹிமாச்சல், பாகிஸ்தானில் நிலநடுக்கம்
ஹிமாச்சலின் சம்பா மாவட்டத்தில், இன்று அதிகாலை 3:27 மணிக்கு 3.3 ரிக்டர் அளவில் நிலநடுக்கம் ஏற்பட்டதாக தேசிய நில அதிர்வு மையம் (NCS) தெரிவித்துள்ளது. ஏற்கனவே குலு உள்ளிட்ட பகுதிகளில் ஏற்பட்ட மேகவெடிப்பால் பெருவெள்ளம் ஏற்பட்டு மக்களின் வாழ்வாதாரம் கடுமையாக பாதிக்கப்பட்டது. அதேநேரம், பாகிஸ்தானிலும் காலை 2:38 மணிக்கு 3.7 ரிக்டர் அளவில் நிலநடுக்கம் ஏற்பட்டுள்ளதாக NCS கூறியுள்ளது.
Similar News
News August 20, 2025
தங்கம் விலை இதுவரை ₹2,120 குறைந்தது
ஆபரணத் தங்கம் மற்றும் வெள்ளி விலை கடந்த 10 நாள்களில் ஒருநாள் கூட உயரவில்லை. கடந்த 10-ம் தேதி சவரனுக்கு ₹75,560-க்கு விற்பனையான தங்கம் விலை, சுமார் ₹2,120 வரை குறைந்து இன்று ₹73,440க்கு விற்பனையாகிறது. அதேபோல், வெள்ளி விலை நேற்று ₹1000, இன்று ₹1000 என 2 நாளில் ₹2000 குறைந்துள்ளது. வரும் நாள்களிலும் தங்கம் மற்றும் வெள்ளி விலை குறையும் சூழல் இருப்பதால், நகை பிரியர்கள் மகிழ்ச்சி அடைந்துள்ளனர்.
News August 20, 2025
கட்சி தாவுபவர்களுக்கே பதவி.. திமுகவினர் குமுறல்
கோவை பொறுப்பாளராக இருக்கும் செந்தில் பாலாஜி, கட்சிதாவி வருபவர்களுக்கே முக்கியத்துவம் கொடுப்பதாக குற்றச்சாட்டு எழுந்துள்ளது. இதுவரை முன்னாள் அதிமுக எம்பி ஏ.பி.நாகராஜன், கணபதி ப.ராஜ்குமார், எம்எல்ஏ ஆறுகுட்டி, நாதக ராஜீவ்காந்தி ஆகியோருக்கு வந்த வேகத்தில் கட்சிப் பதவி முதல் MP வரை ஆக்கியுள்ளதாகவும் காலங்காலமாக உள்ள திமுகவினர் குமுறுகின்றனர். 2026 தேர்தலில் கொங்கில் கோலோச்சுமா திமுக?
News August 20, 2025
GST வரியில் மாற்றம்.. இன்று முக்கிய முடிவு
GST தொடர்பாக மாநில நிதியமைச்சர்களுடன் நிர்மலா சீதாராமன் இன்று ஆலோசனை நடத்துகிறார். வரி விகிதங்கள் மாற்றி அமைக்கப்பட்டு குறைந்த வரி விதிப்பு முறை இந்த ஆண்டு தீபாவளிக்குள் கொண்டு வரப்படும் என PM <<17409932>>மோடி <<>>சமீபத்தில் அறிவித்தார். அதனைத்தொடர்ந்து, தற்போது 5 விதமாக இருக்கும் GST வரி, 2 விதமாக (5%, 18%) மாற்றுவது குறித்து இன்று முடிவு எடுக்கப்படவுள்ளன. இதனால், பல பொருள்களின் விலை குறைய வாய்ப்புள்ளது.