News September 6, 2025
தீபாவளிக்கு டபுள் போனஸ்.. அரசின் இன்ப அதிர்ச்சி
மத்திய அரசு ஊழியர்களுக்கான DA(அகவிலைப்படி) உயர்வு குறித்த முக்கிய தகவல் வெளியாகியுள்ளது. தீபாவளியையொட்டி, 55%-ல் இருந்து 58% ஆக உயர்த்தி DA வழங்கப்படும் என ஏற்கெனவே மத்திய அரசு வட்டாரங்கள் தெரிவித்தன. இந்நிலையில், ஜூலை மாதத்தில் இருந்து 3% உயர்வை கணக்கிட்டு அக்டோபர் சம்பளத்தில் 3 மாத DA நிலுவைத் தொகை சேர்த்து வழங்கப்படும் எனக் கூறப்படுகிறது. இதற்கான அறிவிப்பு விரைவில் வெளியாக வாய்ப்புள்ளது.
Similar News
News September 7, 2025
இபிஎஸ்-ஐ அதிமுகவில் இருந்து நீக்க முடிவு
அதிமுக பொறுப்புகளில் இருந்து செங்கோட்டையன் நீக்கப்பட்ட நிலையில், அவரை <<17636136>>பெங்களூரு புகழேந்தி<<>> நேரில் சந்தித்தார். பின்னர், பேசிய அவர், EPS-ஐ கட்சியில் இருந்து நாங்கள் நீக்குவோம் என்றார். இதனிடையே, செங்கோட்டையனுக்கு ஆதரவாக சசிகலா, OPS விரைவில் அவரை சந்திக்க உள்ளதாக தகவல் வெளியாகியுள்ளது. முன்னதாக, தான் கூறியது போல ஒருங்கிணைப்பு பணி தொடரும் என <<17629802>>செங்கோட்டையன்<<>> திட்டவட்டமாக கூறியிருந்தார்.
News September 7, 2025
அதிமுகவை கூறு போட்ட பாஜக: உதயநிதி
சென்னை கலைஞர் அரங்கத்தில் திமுக இளைஞரணி நிர்வாகிகள் அறிமுக கூட்டம் நடைபெற்றது. அதில் பேசிய DCM உதயநிதி ஸ்டாலின் வரும் தேர்தலுக்காக முழுவீச்சில் செயல்பட்டால், 200-க்கும் அதிகமான தொகுதிகளில் திமுக வெற்றி பெறும் எனவும், அதற்கான நம்பிக்கை தனக்கு இருப்பதாகவும் தெரிவித்தார். மேலும், எதிர்க்கட்சியை குறித்து பேசிய அவர், அதிமுகவை பாஜக கூறு போட்டுவிட்டதாக DCM உதயநிதி ஸ்டாலின் சாடியுள்ளார்.
News September 7, 2025
இபிஎஸ்-ஐ நாங்கள் நீக்குவோம்: புகழேந்தி
EPS ஒன்றும் அதிமுகவுக்கு சொந்தக்காரர் அல்ல என்று பெங்களூரு புகழேந்தி கூறியுள்ளார். செங்கோட்டையனை கட்சி பொறுப்பில் இருந்து நீக்கியதற்கு கண்டனம் தெரிவித்த அவர், தங்கமணியும், வேலுமணியும் சேர்ந்து EPS-ஐ இயக்குவதாக சாடினார். அத்துடன், உண்மையான அதிமுகவின் தொண்டர்கள் செங்கோட்டையன் பக்கம் நிற்பதாக கூறிய அவர், நாங்கள் எல்லோரும் சேர்ந்து பழனிசாமியை ஓரம் கட்டுவோம் என்றும் தெரிவித்துள்ளார்.