News March 23, 2025
சுனிதா வில்லியம்ஸ் தெரியும், புட்ச் வில்மோர் தெரியுமா?
278 நாட்கள் சர்வதேச விண்வெளி நிலையத்தில் (ISS) தங்கியிருந்த சுனிதா வில்லியம்ஸ், புட்ச் வில்மோர் பூமி திரும்பினர். இதில் சுனிதா வில்லியம்ஸ் பற்றி தெரியும். புட்ச் வில்மோர் குறித்து தெரிய வாய்ப்பில்லை. அவரும் நாசா விண்வெளி வீரரே. கடந்த 2009, 2014, 2024இல் தலா ஒருமுறை ISS சென்றுள்ளார். மொத்தம் 464 நாட்கள் அங்கு தங்கியுள்ளார். ISS-க்கு வெளியே பழுது பார்ப்பு பணியை 31 மணி நேரம் அவர் செய்துள்ளார்.
Similar News
News March 24, 2025
குறட்டை விட்டு தூங்கும் திமுக அரசு: அன்புமணி தாக்கு
மதுரையில் திமுக நிர்வாகி கொடூரமாக வெட்டிக் கொல்லப்பட்ட சம்பவத்தை சுட்டிக்காட்டி, திமுக அரசை அன்புமணி கடுமையாக விமர்சித்துள்ளார். கொலை குற்றங்களைத் தடுத்து சட்டம் – ஒழுங்கை பாதுகாக்க முடியாமல் திமுக அரசு குறட்டை விட்டு உறங்கிக் கொண்டிருப்பதாக சாடிய அவர், இனியாவது திமுக அரசு அதன் உறக்கத்தைக் கலைத்து சட்டம் – ஒழுங்கை பாதுகாக்க நடவடிக்கை எடுக்க வேண்டும் என்று வலியுறுத்தியுள்ளார்.
News March 24, 2025
50,000 பேரை கொன்று குவித்த இஸ்ரேல்.. தீவிரமடையும் போர்
ஹமாஸை அழிக்கும் வரை போர் நிறுத்தப் போவதில்லை என்ற வேகத்தில் இஸ்ரேல் தாக்குதலை தீவிரப்படுத்தியுள்ளது. கடந்த 5 நாட்களில் காசாவில் இஸ்ரேலிய தாக்குதல்களில் 600க்கும் மேற்பட்டோர் கொல்லப்பட்டுள்ளனர். கடந்த 2023 தொடங்கி தற்போது 50,000க்கும் அதிகமான பாலஸ்தீனியர்களை இஸ்ரேல் கொன்று குவித்துள்ளது. 1.13 லட்சம் பேர் காயமடைந்து உள்ளதாகவும் காசா சுகாதார அமைச்சகம் தெரிவித்துள்ளது.
News March 24, 2025
ஹார்ட் அட்டாக்குக்கு கொரோனாவே காரணம்
இன்றைக்கு இளம்வயதினர் பலர் மாரடைப்பால் உயிரிழப்பது குறித்து உலக புகழ்பெற்ற இதய நோய் மருத்துவர் ஜோஸ் சாக்கோ கருத்து தெரிவித்துள்ளார். கொரோனா தடுப்பூசியால் மாரடைப்பு ஏற்படுவதாக ஒரு தவறான கருத்து உள்ளது. மனித உடலில் கொரோனா வைரஸ் சில மாற்றங்களை செய்துள்ளது. ரத்த நாளங்களில் அது வீக்கங்களை ஏற்படுத்துகிறது. இதுவே, மாரடைப்பு தற்போது அதிகரிப்பதற்கு காரணமாக இருக்கலாம் என ஜோஸ் சாக்கோ தெரிவித்தார்.