News July 6, 2025
2026-ல் திமுகவுக்கு இருக்கும் சாதகம்
2026 தேர்தலில் மும்முனை தாக்குதலை எதிர்கொள்ளும் வகையில், 10 மாதங்களுக்கு முன்னரே திமுக வீடு வீடாக சென்று வாக்கு சேகரிக்க தொடங்கியுள்ளது. பாஜக எதிர்ப்பை முன்னிலைப்படுத்தியும், மகளிர் உரிமைத்தொகை, நான் முதல்வன் & புதுமைப்பெண் திட்டம், மகளிருக்கு கட்டணமில்லா பேருந்து பயணம், காலை உணவுத் திட்டம் உள்ளிட்டவை குறித்து எடுத்துக் கூறியும் வாக்கு சேகரிக்கின்றனர். இது திமுகவுக்கு சாதகமாக பார்க்கப்படுகிறது.
Similar News
News July 6, 2025
தவெக உறுப்பினர் சேர்க்கை: பயிற்சி பட்டறை அறிவிப்பு
2 கோடி உறுப்பினர் சேர்க்கையை இலக்காகக் கொண்டு தவெக செயல்பட்டு வருகிறது. இந்நிலையில், இதற்கான பயிற்சிப் பட்டறை வருகிற 8-ம் தேதி பனையூரில் உள்ள கட்சியின் தலைமை அலுவலகத்தில் நடைபெறும் என்று புஸ்ஸி ஆனந்த் அறிவித்துள்ளார். இதில் மாவட்டச் செயலாளர்கள், அந்தந்த மாவட்டத்தின் 2 IT Wing நிர்வாகிகளை அழைத்துவர அறிவுறுத்தப்பட்டுள்ளது. கட்சியின் உள்கட்டமைப்பில் தவெக கவனம் செலுத்தி வருகிறது.
News July 6, 2025
ஜூலை 9 வரை வெப்பநிலை அதிகரிக்கும்: IMD
தமிழகத்தில் பருவமழை குறைந்து மீண்டும் வெயில் சுட்டெரிக்கத் தொடங்கியுள்ளது. இன்று சென்னை, மதுரை, தஞ்சை, வேலூர் உள்ளிட்ட 8 மாவட்டங்களில் வெயில் (100 டிகிரி பாரன்ஹீட்) சதமடித்துள்ளது. இந்நிலையில், ஜூன் 9 வரை தமிழகத்தில் இயல்பை விட 2 – 3 டிகிரி செல்சியஸ் வெப்பநிலை உயரும் என IMD எச்சரித்துள்ளது. இதனால், வெயில் அதிகமாக இருக்கும் காலை 11 மணி முதல் மதியம் 3 மணி வரை வெளியே செல்வதை தவிருங்கள் மக்களே..!
News July 6, 2025
தேர்தல் வியூகம் தயார்! மாநாட்டு தேதியை அறிவித்த பாஜக
தமிழக பாஜகவின் முதல் மாநாடு வரும் ஆகஸ்ட் 17-ம் தேதி நெல்லையில் நடைபெறவுள்ளதாக அறிவிக்கப்பட்டுள்ளது. பாஜகவின் தனிப்பெரும் பலத்தை நிரூபிக்கும் விதமாக அடுத்தடுத்த மாநாடுகளை பாஜக நடத்த திட்டமிட்டுள்ளது. காட்டாங்குளத்தூரில் இன்று நடைபெற்ற பூத் கமிட்டி கூட்டத்தில் இந்த முடிவு எடுக்கப்பட்டுள்ளது. சட்டமன்ற தேர்தலுக்கு தயாராக இந்த மாநாடு உதவும் என பாஜக நம்புகிறது.