News October 8, 2025
உயர்கல்வித்துறையை சீரழித்த திமுக அரசு: அன்புமணி
உயர்கல்வித்துறையை திமுக அரசு தொடர்ந்து சீரழித்து வருவதாக அன்புமணி குற்றஞ்சாட்டியுள்ளார். 10 ஆயிரம் உதவிப் பேராசிரியர் பணியிடங்கள் காலியாக இருக்கும் நிலையில், 2708 இடங்களை மட்டும் நிரப்புவதா என அவர் கேள்வி எழுப்பியுள்ளார். நான்கரை ஆண்டுகளில் 35 புதிய கல்லூரிகள் உருவாக்கியிருந்தாலும், ஒரு உதவிப் பேராசிரியர் கூட நியமிக்காததால், அவற்றில் சேர மாணவர்கள் தயாராக இல்லை என்று அன்புமணி சாடியுள்ளார்.
Similar News
News October 8, 2025
சிரப் விவகாரம்: 20 குழந்தைகள் உயிரிழப்பு
மத்திய பிரதேசத்தில் கோல்ட்ரிப் சிரப் குடித்து உயிரிழந்த குழந்தைகளின் எண்ணிக்கை 20ஆக அதிகரித்துள்ளதாக அம்மாநில Dy.CM ராஜேந்திர சுக்லா தெரிவித்துள்ளார். நாக்பூர் ஹாஸ்பிடல்களில் ஆய்வு நடத்திய அவர், சிந்த்வாரா மாவட்டத்தில் மட்டும் இதுவரை 17 குழந்தைகள் உயிரிழந்து இருப்பதாகவும், சிரப் குடித்தால் வாந்தி எடுப்பது, சிறுநீர் கழிப்பதில் சிக்கல் போன்ற அறிகுறிகள் தென்படுவதாக கூறியுள்ளார்.
News October 8, 2025
அக்டோபர் 8: வரலாற்றில் இன்று
*1922 – அறிவியலாளர் கோ. நா. இராமச்சந்திரன் பிறந்தநாள். *1932 – இந்திய விமானப்படை நிறுவப்பட்டது. *1935 – தடகள வீரர் மில்கா சிங் பிறந்தநாள். *1944 – நடிகை ராஜ்ஸ்ரீ பிறந்தநாள். *1987 – விடுதலைப் புலிகள் தாக்குதலில் இந்திய அமைதிப்படையின் 8 வீரர்கள் உயிரிழந்தனர். *2005 – 7.6 ரிக்டர் அளவு நிலநடுக்கத்தால் பாக்., இந்தியா, ஆப்கானில்., சுமார் 86,000 பேர் உயிரிழப்பு. *2020 – ராம் விலாஸ் பஸ்வான் மறைந்த நாள்.
News October 8, 2025
இந்த டயட் 40,000 உயிரிழப்புகளை தடுத்திடும்
தாவரங்கள் நிறைந்த Planetary ஹெல்த் டயட்டினால் தினமும் 40,000 உயிரிழப்புகளை தடுக்கலாம் என ஆய்வுகள் தெரிவிக்கின்றன. பழங்கள், காய்கறிகள், பருப்புகள், நட்ஸ், சிறிதளவு இறைச்சி அடங்கிய இந்த டயட் பின்பற்றினால் சராசரி வாழ்நாளுக்கு முன்பாகவே நிகழும் உயிரிழப்புகளை தடுக்க முடியும் என EAT- லான்செட் கமிஷனின் ஆய்வு கூறுகிறது. இந்த டயட்டினால் மாரடைப்பு, இதய நோய், கேன்சர் உள்ளிட்ட நோய்களின் அபாயமும் குறையுமாம்.