News March 20, 2024
வாரிசுகளை களமிறக்கிய திமுக
திமுக தலைவர் ஸ்டாலின் இன்று 21 பேர் கொண்ட மக்களவைத் தேர்தல் வேட்பாளர் பட்டியலை வெளியிட்டுள்ளார். அதில் 11 புது முகங்களுக்கு இடமளிக்கப்பட்டிருந்தாலும், எதிர்பார்க்கப்பட்டது போலவே வாரிசுகள் அடிப்படையிலும் வாய்ப்பு வழங்கப்பட்டுள்ளது. நேருவின் மகன் அருண் நேரு, துரைமுருகனின் மகன் கதிர் ஆனந்த், கனிமொழி, கலாநிதி வீராசாமி, தயாநிதி மாறன், தமிழச்சி தங்கபாண்டியன் ஆகியோர் மீண்டும் வாய்ப்பு பெற்றுள்ளனர்.
Similar News
News November 28, 2025
நாளை பள்ளிகள் 7 மாவட்டங்களில் விடுமுறை
புயல் காரணமாக கடலூரைத் தொடர்ந்து நாகை, மயிலாடுதுறை, புதுச்சேரி, காரைக்கால் ஆகிய மாவட்டங்களிலும் நாளை பள்ளி, கல்லூரிகளுக்கு விடுமுறை அளிக்கப்பட்டுள்ளது. அதேபோல், திருவாரூர் மாவட்டத்தை தொடர்ந்து, விழுப்புரத்திலும் நாளை பள்ளிகளுக்கு மட்டும் விடுமுறை அளிக்கப்பட்டுள்ளது. உத்தரவை மீறி தனியார் பள்ளிகள் சிறப்பு வகுப்புகளை நடத்தினால் கடும் நடவடிக்கை எடுக்கப்படும் என்றும் எச்சரிக்கை விடுக்கப்பட்டுள்ளது.
News November 28, 2025
விஜய் கட்சியில் ஜெயக்குமார் இணைகிறாரா?.. அறிவித்தார்
செங்கோட்டையனைத் தொடர்ந்து அதிமுகவின் முக்கிய முகமான ஜெயக்குமாரும் தவெகவில் இணையவிருப்பதாக செய்திகள் வெளியாகின. இதற்கு முற்றுப்புள்ளி வைத்த ஜெயக்குமார், மூச்சு உள்ளவரை அதிமுகவில்தான் இருப்பேன் எனவும், உயிர் போனாலும் தன் மீது அதிமுக கொடிதான் போர்த்தப்படும் என்றும் விளக்கம் அளித்துள்ளார். செங்கோட்டையன் தவெகவில் இணைந்ததை நினைத்தால் சிரிப்புதான் வருகிறது என்றும் அவர் விமர்சித்துள்ளார்.
News November 28, 2025
எயிட்ஸுக்கு தடுப்பூசி… விரைவில் இந்தியாவில்!
100% செயல்திறன் கொண்ட எயிட்ஸ்(HIV) தடுப்பூசி இந்தியாவில் அறிமுகமாகவுள்ளது. USA-வின் கிலீட் சயன்சஸ் நிறுவனத்தின் இந்த தடுப்பூசி, FDA அங்கீகாரம் பெற்றுவிட்டது. இந்நிலையில் அதன் உரிமம் பெற்று இந்தியாவில் lenacapavir என்ற பெயரில் தயாரிக்கப்பட்டு விற்கப்படவுள்ளது. ஆண்டுக்கு 2 முறை இந்த தடுப்பூசியை செலுத்திக் கொண்டால் போதும். HIV தொற்று தாக்கும் ரிஸ்க் அதிகம் உள்ளவர்களுக்கு இது சிறந்த தீர்வாக அமையும்.