News April 26, 2024
பெண் VAO வயிற்றில் உதைத்த திமுக கவுன்சிலர்
விழுப்புரம் அருகே மதுபோதையில் பெண் VAO வயிற்றில் எட்டி உதைத்த திமுக மாவட்ட கவுன்சிலர் கைது செய்யப்பட்டார். ஆ.கூடலூர் VAO சாந்தி, 19ஆம் தேதி வாக்குச்சாவடியில் இருந்த அதிகாரிகளுக்கு உணவு வழங்கியபோது, கவுன்சிலர் ராஜீவ்காந்தி, அவரை கன்னத்தில் அறைந்து திட்டியுள்ளார். பிறகு மது அருந்திவிட்டு வந்து வயிற்றில் உதைத்துள்ளார். புகாரின்பேரில் தலைமறைவாக இருந்த ராஜீவ்காந்தியை போலீசார் கைது செய்தனர்.
Similar News
News January 25, 2026
தேனி: இளைஞர்கள் மீது தாக்குதல்
கூடலூர் பகுதியை சேர்ந்தவர் நவீன் குமார் (26). இவரது நண்பரான விருமாண்டி (28) என்பவருக்கும், அதே பகுதியை சேர்ந்த அபினேஷ் (24) என்பவருக்கும் முன்விரோதம் இருந்து வந்துள்ளது. இந்த முன்விரோதம் காரணமாக நேற்று முன் தினம் அபினேஷ் உள்ளிட்ட நான்கு பேர் நவீன்குமார் மற்றும் விருமாண்டியை கடுமையாக தாக்கியுள்ளனர். இதுகுறித்த புகாரில் கூடலூர் தெற்கு போலீசார் அபினேஷை நேற்று கைது செய்தனர்.
News January 25, 2026
ஜன நாயகன் படத்திற்கு புதிய சிக்கல்?
‘ஜன நாயகன்’ மேல்முறையீட்டு வழக்கில் ஜன.27-ல் மெட்ராஸ் HC தீர்ப்பு அளிக்கவுள்ளது. இதில் இரு நீதிபதிகளும் மாறுபட்ட தீர்ப்புகளை வழங்கினால் வழக்கு 3-வது நீதிபதிக்கு மாற்றப்படும். அவர் வழக்கை புதிதாக விசாரித்து தீர்ப்பளிப்பார். அத்தீர்ப்பு முந்தைய இரு நீதிபதிகள் வழங்கிய தீர்ப்புகளில் ஒன்றுடன் ஒத்துப்போனால், அது பெரும்பான்மையாக கருதப்படும். இதற்கு காலம் ஆகும் என்பதால் பட ரிலீஸ் மேலும் தாமதமாகலாம்.
News January 25, 2026
முதல் முறை வாக்காளர்களை கொண்டாடுங்கள்: PM மோடி
தேசிய வாக்காளர் தினத்தையொட்டி, நாட்டு மக்களுக்கு PM மோடி வாழ்த்து தெரிவித்துள்ளார். வாக்களிப்பது ஒரு புனிதமான அரசியலமைப்பு சிறப்புரிமை மட்டுமல்ல எதிர்காலத்தை வடிவமைப்பதற்கான கடமை எனக் கூறியுள்ளார். முதல் முறையாக வாக்குரிமை பெற்றுள்ள இளைஞர்களை ஒட்டுமொத்த சமூகமும் கொண்டாட வேண்டும் என குறிப்பிட்டுள்ள அவர், வாக்காளராக ஒருவர் மாறுவதன் அவசியம் பற்றி விழிப்புணர்வு ஏற்படுத்த அறிவுறுத்தியுள்ளார்.