News April 29, 2024
சிசிடிவி கோளாறு குறித்து திமுக புகார் மனு
வாக்கு எண்ணும் மையங்களில் சிசிடிவி கேமரா செயல்படாதது குறித்து தமிழகத் தலைமைத் தேர்தல் அதிகாரியிடம் திமுக புகார் அளித்துள்ளது. திமுக எம்.பி இளங்கோ அளித்த மனுவில், வாக்கு எண்ணும் மையங்களைச் சுற்றி ட்ரோன் கேமராக்களை இயக்க அனுமதிக்கக் கூடாதென வலியுறுத்தப்பட்டுள்ளது. நீலகிரியில் 173 சிசிடிவி கேமராக்களும், ஈரோட்டில் ஒரு சிசிடிவி கேமராவும் திடீர் கோளாறால் பழுதானது. பின்னர் உடனடியாகச் சரி செய்யப்பட்டது.
Similar News
News January 27, 2026
விஜய் அரசியலுக்கு புதுசு… திருந்திடுவார்: குஷ்பு
அதிமுக பாஜகவிடம் சரணடைந்துவிட்டதாக விஜய் வைத்த விமர்சனத்துக்கு குஷ்பு பதிலடி கொடுத்துள்ளார். தம்பி அரசியலுக்கு புதுசு எனவும், காலம் காலமாக இருக்கும் கட்சியான அதிமுக யாருடனும் சரணடைய வேண்டிய அவசியமில்லை என்றும் குறிப்பிட்டுள்ளார். எல்லோரும் விசில் அடிக்கும் போது வீராப்பில் வார்த்தைகள் வந்துவிடும். தம்பி திருந்திடுவார். தவெகவின் வாக்கு சர்வேயை வைத்து ஒன்றும் செய்யமுடியாது எனவும் விமர்சித்துள்ளார்.
News January 27, 2026
பெண் வடிவத்தில் அனுமன் இருக்கும் கோயில்?
சத்தீஸ்கரின் ரத்தன்பூர் மாவட்டத்தில் இந்த கோயில் அமைந்துள்ளது. இது ரத்தன்பூர் மன்னர் பிருத்வி தேவ்ஜுவால் கட்டப்பட்டது. மன்னரின் கனவில் தோன்றிய அனுமன், அருகே இருக்கும் நீர்த்தேக்கத்தில் இருக்கும் சிலையை எடுத்து வந்து கோயிலை கட்டி பிரதிஷ்டை செய்து வழிபடும்படி கூறினாராம். அங்கு பெண் வடிவிலான சிலை கிடைத்த போதிலும், மன்னர் கோயிலை கட்டியுள்ளார். அப்படித்தான் ‘மாதா அனுமன்’ தோன்றியதாகக் கூறப்படுகிறது.
News January 27, 2026
FLASH: இன்று விடுமுறை!
வங்கி ஊழியர்களின் வேலைநிறுத்த போராட்டம் காரணமாக இன்று நாடு முழுவதும் வங்கிகள் இயங்காது என வங்கி ஊழியர்கள் சங்கம்(AIBEA) தெரிவித்துள்ளது. போராட்டத்தின் போது பொதுமக்கள் ஒத்துழைக்க வேண்டும் எனவும் AIBEA வேண்டுகோள் விடுத்துள்ளது. LIC-ல் 100% அந்நிய முதலீடு, வாரத்தில் 5 நாள்கள் மட்டுமே வேலை உள்ளிட்ட கோரிக்கைகளை வலியுறுத்தி ஊழியர்கள் நடத்தும் இந்த போராட்டத்தால் வங்கி சேவைகள் பாதிக்கப்படும்.