News March 19, 2024
திமுக வேட்பாளர்கள் பட்டியல் நாளை வெளியீடு
மக்களவைத் தேர்தலில் திமுக சார்பில் போட்டியிடும் வேட்பாளர்கள் பட்டியல் நாளை காலை 10 மணிக்கு வெளியிடப்பட உள்ளது. சென்னை அண்ணா அறிவாலயத்தில் நடைபெறும் நிகழ்ச்சியில் வேட்பாளர்கள் அறிவிக்கப்பட உள்ளனர். மக்களவைத் தேர்தலில், வடசென்னை, தென்சென்னை, மத்திய சென்னை உள்பட தமிழகத்தில் 21 தொகுதிகளில் திமுக போட்டியிடுகிறது. தமிழகத்தில் ஏப்.19ஆம் தேதி தேர்தல் நடைபெற உள்ளது குறிப்பிடத்தக்கது.
Similar News
News April 8, 2025
நுகர்வோர் புகார்களை தெரிவிக்க விரைவில் செயலி
நுகர்வோர் புகார்களை தெரிவிக்க செயலி வெளியிடப்படும் என்று உணவு, நுகர்வோர் பாதுகாப்புத் துறை தெரிவித்துள்ளது. நுகர்வோர் உரிமைகளை பாதுகாக்கும் நோக்கில், அவர்களுக்கு ஏற்படும் சேவை குறைபாடுகள் குறித்து சம்பவ இடத்தில் இருந்து புகார் அளிக்க ₹20 லட்சத்தில் வலைதளம், செயலி உருவாக்கப்படும் எனக் கூறியுள்ளது. இதற்கான செலவினம் நுகர்வோர் நலநிதியிலிருந்து மேற்கொள்ளப்படும் எனவும் குறிப்பிட்டுள்ளது.
News April 8, 2025
இன்ஸ்டாவில் நிர்வாண படம்.. விரைவில் கட்டுப்பாடு
இன்ஸ்டாவில் நிர்வாண போட்டோ, லைவ் ஸ்ட்ரீமுக்கு மெட்டா நிறுவனம் விரைவில் கட்டுப்பாடு விதிக்கவுள்ளது. பெற்றோர் ஒப்புதல் இல்லாமல் 16 வயதுக்கு குறைவானோர் லைவ் செய்யவும், நிர்வாண படம் வெளியிடவும் முடியாது. டீன் ஏஜர்களின் பாதுகாப்பை உறுதி செய்யவும், அவர்கள் மீது பெற்றோர் கட்டுபாட்டை உறுதி செய்யவும் இந்நடவடிக்கை எடுக்கிறது. முதலில் அமெரிக்கா, இங்கிலாந்து, கனடா, ஆஸி.யில் இதை அமல் செய்ய உள்ளது.
News April 8, 2025
விண்ணப்பித்த அன்றே பயிர்க்கடன்: அமைச்சர்
தொடக்க வேளாண்மை கூட்டுறவு வங்கிகளில் விண்ணப்பித்த அன்றே பயிர்க்கடன் வழங்கும் நடைமுறை தொடங்கப்பட இருப்பதாக அமைச்சர் பெரியகருப்பன் தெரிவித்துள்ளார். வங்கிகளில் நேரில் விண்ணப்பித்தால், ஒரு வாரத்திற்குள் கடன் வழங்கும் நடைமுறை தற்போது இருப்பதாக அவர் கூறியுள்ளார். இதற்கு பதிலாக ஆன்லைனில் விண்ணப்பிக்கும் முறை, விண்ணப்பித்த அன்றே கடன் வழங்கும் முறை தொடங்கப்பட இருப்பதாக குறிப்பிட்டுள்ளார்.