News September 18, 2024
தீபாவளி, பொங்கல்: அரசின் புதிய திட்டம்
தீபாவளி, பொங்கல் போன்ற பண்டிகைக் காலங்களில் பேருந்துகளில் கூட்ட நெரிசலைச் சமாளிக்க, தனியார் பேருந்துகளை வாடகைக்கு எடுத்து இயக்க தமிழக அரசு திட்டமிட்டுள்ளது. வழக்கமாக ஊரகப் பகுதிகளில் உள்ள அரசு பேருந்துகளை சிறப்புப் பேருந்துகளாக இயக்குவதால், ஊரகப் பகுதி மக்கள் பாதிப்படைந்தனர். இந்நிலையில், தனியார் பேருந்துகளை வாடகைக்கு எடுத்து, அதற்கு ஓட்டுநர், நடத்துநரை அரசே நியமிக்க திட்டமிடப்பட்டுள்ளது.
Similar News
News August 7, 2025
ஒரே வீட்டில் 48 வாக்காளர்கள்: ராகுல்
மகாராஷ்டிராவில் கடந்த 4 ஆண்டுகளில் சேர்க்கப்பட்ட வாக்காளர்களை விட சட்டமன்ற தேர்தலுக்கு 5 மாதங்கள் முன்னதாக சேர்க்கப்பட்ட வாக்காளர்கள் அதிகம் என ராகுல் காந்தி குற்றஞ்சாட்டியுள்ளார். டெல்லியில் பேட்டியளித்த அவர், பாஜகவுக்கு ஆதரவாக வாக்குகள் திருடப்படுவதாகவும், 1 BHK வீட்டில் 48 வாக்காளர்கள் இருப்பதாகவும் கூறினார். மேலும் வாக்காளர் பட்டியலை பகிர EC மறுப்பதாகவும் அவர் கூறினார்.
News August 7, 2025
உயிர் போகுமென தெரிந்தே அஜித்தை தாக்கிய கொடூரம்
கோயில் காவலாளி அஜித் குமார் மரண வழக்கில் கைதான 5 காவலர்களிடம் சிபிஐ நடத்திய விசாரணையில் திடுக்கிடும் தகவல் வெளியாகியுள்ளது. உயிர் போகும் எனத் தெரிந்தே அஜித் குமாரை காவலர்கள் மூர்க்கத்தனமாக தாக்கியுள்ளனர். இந்த விவரங்களை சேர்த்து FIR திருத்தி அமைக்கப்பட்டுள்ளது. ஆகஸ்ட் 20-க்குள் விசாரணை அறிக்கையை சிபிஐ தாக்கல் செய்யவுள்ளது. இதில், மேலும் பல தகவல்கள் வெளியாகும் என எதிர்பார்க்கப்படுகிறது.
News August 7, 2025
அடுத்த 3 நாள்களுக்கு ‘HEAVY RAIN’ வார்னிங்!
இன்று முதல் அடுத்த மூன்று நாள்களுக்கு கனமழை பெய்யக்கூடும் என்று IMD எச்சரித்துள்ளது. இன்று தி.மலை, ராணிப்பேட்டை, திருப்பத்தூர், வேலூர், காஞ்சி, திருவள்ளூர் ஆகிய மாவட்டங்களிலும், நாளை நாகை, மயிலாடுதுறை, கடலூர், விழுப்புரம் உள்ளிட்ட 9 மாவட்டங்களிலும் கனமழை பெய்யக்கூடும் என்றும், நாளை மறுநாள் தருமபுரி, கிருஷ்ணகிரி உள்ளிட்ட 5 மாவட்டங்களில் கனமழைக்கு வாய்ப்பிருப்பதாகவும் தெரிவித்துள்ளது.