News October 7, 2025
தீபாவளி பரிசு: ₹5,000-ஆக உயர்த்தினார் CM ஸ்டாலின்
தீபாவளி போனஸ் அறிவிப்புகளை தமிழக அரசு அடுத்தடுத்து வெளியிட்டு வருகிறது. போக்குவரத்து ஊழியர்களுக்கு முன்பணம் (₹20,000), அரசு சி, டி ஊழியர்களுக்கு குறைந்தபட்சம் ₹8,400 முதல் அதிகபட்சம் ₹16,800 வரை போனஸ் அறிவிக்கப்பட்டது. இந்நிலையில், கோயில் பணியாளர்களுக்கான ஓய்வூதியத்தை ₹4,000-லிருந்து ₹5,000-ஆகவும் குடும்ப ஓய்வூதியத்தை ₹2,000-லிருந்து ₹2,500-ஆகவும் உயர்த்தி CM ஸ்டாலின் உத்தரவிட்டுள்ளார்.
Similar News
News October 7, 2025
சற்றுநேரத்தில் முன்ஜாமின் மனு விசாரணை
கரூர் துயரச் சம்பவத்தில் தலைமறைவாக இருக்கும் N.ஆனந்த், நிர்மல்குமார் ஆகியோர் உச்சநீதிமன்றத்தில் முன்ஜாமின் கோரி மனு தாக்கல் செய்துள்ளனர். இருவரின் மனுக்களும் இன்று 12 மணிக்கு மேல் விசாரணைக்கு வரவுள்ளது. தவெக தரப்பில் பிரபலமான வழக்கறிஞர் வாதாட இருப்பதால், ஜாமின் கிடைக்க அதிக வாய்ப்புள்ளதாக தவெகவினர் நம்பிக்கை தெரிவிக்கின்றனர். ஏற்கெனவே, இருவரின் முன்ஜாமின் மனுக்களை ஐகோர்ட் தள்ளுபடி செய்திருந்தது.
News October 7, 2025
அரசியல் நோக்கத்தோடு PM செயல்படுகிறார்: மம்தா
மேற்குவங்கத்தில் <<17928599>>பாஜக MP தாக்கப்பட்டது<<>>, திரிணாமுல் காங்., ஆட்சியின் மோசமான நிலையை காட்டுவதாக PM மோடி சாடியிருந்தார். இந்நிலையில், இவ்விவகாரத்தை PM அரசியலாக்குவது கவலைக்குரியது என CM மம்தா பானர்ஜி ரிப்ளை கொடுத்துள்ளார். ஆதாரம் இல்லாமல் திரிணாமுல் காங்., மீதும், அதன் ஆட்சி மீதும் குற்றம்சாட்டுவதாக கூறிய அவர், விசாரணை மூலமாகவே யார் மீது தவறு என்பதை தீர்மானிக்க வேண்டும் என தெரிவித்துள்ளார்.
News October 7, 2025
சிறுமி வன்கொடுமை: காமெடி நடிகர் கைது
சென்னையில் விடுதி ஒன்றில் சிறுமியை அடைத்து வைத்து பாலியல் வன்கொடுமை செய்த வழக்கில், சினிமா இயக்குநரும், காமெடி நடிகருமான பாரதி கண்ணன் கைது செய்யப்பட்டுள்ளார். சிறுமியின் தந்தை இறந்து போனதால், அவரது தாய் வேறொருவரை திருமணம் செய்து கொண்டார். இதனால், தனிமையில் தவித்த சிறுமியை கவனித்து வந்த, தாயின் தோழி பாலியல் தொழிலில் தள்ளியுள்ளார். இச்சம்பவத்தில் முக்கிய கட்சியின் நிர்வாகியும் சிக்கியுள்ளார்.