News August 24, 2024
கணவருடன் விவாகரத்தா? பாவனா பதில்
கணவர் நவீனை விவாகரத்து செய்ததாக வெளியான தகவலை பாவனா மறுத்துள்ளார். சித்திரம் பேசுதடி, வெயில், தீபாவளி உள்ளிட்ட படங்களில் நடித்துள்ள பாவனா, நவீன் என்பவரை காதலித்து திருமணம் செய்துள்ளார். அவருடன் இருக்கும் படங்களை சமூகவலைதளத்தில் பகிராததை சுட்டிக்காட்டி விவாகரத்து பெற்றதாக தகவல் பரவி வருகிறது. இதை மறுத்துள்ள பாவனா, கணவருடன் இருக்கும் படத்தை வெளியிடாததால் விவாகரத்து ஆகி விடாது எனக் கூறியுள்ளார்.
Similar News
News March 15, 2026
காங்கிரசை அடகுவைத்த அரசியல் வியாபாரி: ராஜ்மோகன்
‘இனம் இனத்தோடு சேரலாம்’ என விஜய்யை விமர்சனம் செய்த செல்வப்பெருந்தகைக்கு தவெகவின் ராஜ்மோகன் பதிலடி கொடுத்துள்ளார். காங்., பேரியக்கத்தை கூட்டணி என்ற பெயரில் ஒரு குடும்பத்திடம் அடகு வைத்துவிட்ட அரசியல் வியாபாரி, அடுத்தவர்களை ஆதாரமின்றி விமர்சனம் செய்வதா என சாடிய அவர், காமராசரைத் தந்த கட்சியை ஏலத்தில் விட்டு, தன் சொந்தக் கல்லாப் பெட்டியை நிரப்பியவர்கள் யாரென்று ஊர் அறியும் எனவும் விமர்சித்தார்.
News March 15, 2026
தமிழ்நாடு தேர்தல் தேதி.. வெளியானது UPDATE
தமிழ்நாடு உள்ளிட்ட 5 மாநில தேர்தலுக்கான தேதி வரும் செவ்வாய்கிழமை (மார்ச் 17) அறிவிக்கப்பட உள்ளதாக புதிய தகவல் வெளியாகியுள்ளது. தேர்தல் தேதி இன்று வெளியாகும் என்று எதிர்பார்க்கப்பட்ட நிலையில், மேற்குவங்கத்தில் SIR பணி, பிஹார், ஒடிசா, ஹரியானாவில் ராஜ்யசபா தேர்தல் காரணமாக தாமதம் ஏற்பட்டுள்ளதாக கூறப்படுகிறது. இந்நிலையில், இந்த புதிய தகவல் வெளியாகியுள்ளது.
News March 15, 2026
திமுக அரசு அமைத்த 52 குழுக்கள் என்ன செய்தது? EPS
2021 தேர்தலின்போது 525 வாக்குறுதிகளை வெளியிட்ட திமுக, நான்கில் ஒரு பங்கு வாக்குறுதிகளைக் கூட நிறைவேற்றவில்லை என்று EPS விமர்சித்துள்ளார். ஒரு திட்டத்திற்காக CM ஸ்டாலின் குழு அமைப்பார். ஆனால், அந்த குழு அப்படியே போய்விடும், இவ்வாறு அமைத்த 52 குழுக்கள் என்ன செய்தது என்றும் அவர் காட்டமாக கேள்வி எழுப்பியுள்ளார். வரும் தேர்தல் வாரிசு அரசியலுக்கு முடிவுகட்டும் தேர்தலாக அமையும் எனவும் சூளுரைத்துள்ளார்.