News October 4, 2025
சதத்தை ராணுவத்துக்கு சமர்பித்த துருவ் ஜுரெல்
வெஸ்ட் இன்டீஸுக்கு எதிரான முதல் டெஸ்டில் துருவ் ஜுரெல் சதம் (125 ரன்கள்) விளாசி அசத்தினார். தனது அரைசத வெற்றியை தனது தந்தைக்கும், சதம் அடித்த கொண்டாட்டத்தை இந்திய ராணுவத்துக்கும் சமர்பிப்பதாக நெகிழ்வுடன் கூறியுள்ளார். இந்த வார்த்தையை இந்திய ரசிகர்கள் கொண்டாடி வருகின்றனர். முன்னதாக, பாக்.,க்கு எதிராக பெற்ற ஆசிய கோப்பை வெற்றியை ராணுவத்துக்கு சமர்பிப்பதாக சூர்யகுமார் யாதவ் கூறியிருந்தார்.
Similar News
News October 4, 2025
ஜெய்சங்கர் – பிரேசில் சிறப்பு ஆலோசகர் சந்திப்பு
பிரேசில் அதிபரின் சிறப்பு ஆலோசகரும், தூதருமான செல்ஸோ அமோரிமை, வெளியுறவு அமைச்சர் ஜெய்சங்கர் டெல்லியில் சந்தித்துள்ளார். அப்போது இருநாட்டு ஒத்துழைப்பை ஆழமாக்குவதற்கான ஆலோசனைகள் மற்றும் சர்வதேச விஷயங்களை பேசியுள்ளனர். மேலும், தேசிய பாதுகாப்பு ஆலோசகர் அஜித் தோவலை சந்தித்த அமோரிம், இரு நாடுகளிடையேயான பாதுகாப்பு, எரிசக்தி, மருத்துவம் மற்றும் மருந்துகள் குறித்து ஆலோசித்துள்ளார்.
News October 4, 2025
அக்டோபர் 4: வரலாற்றில் இன்று
*உலக விலங்கு தினம்.
*உலக விண்வெளி வாரம் (அக்.4 – 10) தொடங்கியது.
*1824 – மெக்ஸிகோ குடியரசு நாடானது.
*1830 – ‘பெல்ஜியம்’ நெதர்லாந்து நாட்டிலிருந்து பிரிந்து தனிநாடாகியது.
*1884 – சுதந்திர போராட்ட வீரர் சுப்பிரமணிய சிவா பிறந்த நாள்.
*1904 – திருப்பூர் குமரன் பிறந்தநாள்.
News October 4, 2025
3-வது டைவர்ஸ் கேட்கிறாரா சானியா மிர்சா Ex கணவர்?
சானியா மிர்சாவின் முன்னாள் கணவரான ஷோயாப் மாலிக், தனது 3-வது மனைவியான சனா ஜாவத்தை விவாகரத்து செய்யவுள்ளாரா என்ற கேள்வி எழுந்துள்ளது. ஏனென்றால், சமீபத்திய நிகழ்வு ஒன்றில் ஷோயாப், சனா இருவரும் தள்ளி தள்ளி அமர்ந்துள்ளனர். இதனால் விரைவில் விவாகரத்து நடைபெறுமோ என நெட்டிசன்கள் கேட்கின்றனர். சானியாவுக்கு முன்பாகவே, ஆயிஷா சித்திக் என்பவரை மணந்து 8 ஆண்டு திருமண வாழ்க்கை நடத்தியிருந்தார் ஷோயாப்.