News August 29, 2025
டிஜிபி சங்கர் ஜிவால் இன்று ஓய்வு.. புதிய டிஜிபி யார்?
சட்டம் – ஒழுங்கு டிஜிபி சங்கர் ஜிவால், வீட்டுவசதி துறை டிஜிபி சைலேஷ்குமார் யாதவ் ஆகிய இருவரும் இன்று பணியில் இருந்து ஓய்வு பெறுகின்றனர். ஆனால், தமிழகத்தின் புதிய சட்டம் – ஒழுங்கு டிஜிபி யார் என்பது இன்னும் அறிவிக்கப்படவில்லை. புதிய டிஜிபி நியமிக்கப்படும் வரை பொறுப்பு டிஜிபியாக நிர்வாகப் பிரிவு டிஜிபி வெங்கடராமனை அரசு நியமிக்க உள்ளதாக தகவல்கள் வெளியாகியுள்ளன.
Similar News
News August 29, 2025
மாற்றம் உண்டாகும்.. தேமுதிக சிக்னல்
விஜய் கட்சி தொடங்கியது முதலே, தமிழக அரசியலில் மாற்றம் நிகழும் என பலரும் கூறி வருகின்றனர். 2026 தேர்தலில் விஜய் தாக்கத்தை ஏற்படுத்துவார் என TTV தினகரனும் கூறியிருந்தார். இந்நிலையில், இதே கருத்தையே பிரேமலதாவும் முன்னிறுத்தியுள்ளார். 2006-ல் விஜயகாந்த் ஏற்படுத்திய தாக்கம் மீண்டும் நடைபெறலாம் என அவர் தெரிவித்துள்ளார். ஏற்கெனவே DMDK உடன் TVK கைகோர்க்கவுள்ளதாக பேசப்படும் நிலையில் இவ்வாறு கூறியுள்ளார்.
News August 29, 2025
மீண்டும் செங்கலை மேற்கோள்காட்டிய உதயநிதி
பொதுப்பணித் துறைக்கும் தனக்கும் ஒரு தொடர்பு இருப்பதாக உதயநிதி ஸ்டாலின் கூறியுள்ளார். சென்னையில் நடந்த நிகழ்வில் பேசிய அவர், தான் நடித்த முதல் படம் ஒரு ‘கல்’ ஒரு கண்ணாடி என்றும், 2021 பேரவைத் தேர்தல் பிரசாரத்தில் நான் பயன்படுத்தியது ஒரேயொரு செங்கல் தான் எனவும் தெரிவித்துள்ளார். மதுரை எய்ம்ஸ் கட்டுமானம் எப்போது நிறைவுபெறும் என்ற கேள்விக்காக செங்கலை உதயநிதி பயன்படுத்தியது கவனம் பெற்றிருந்தது.
News August 29, 2025
இப்போது தேர்தல் நடந்தால்… இந்தியா டுடே கருத்துக்கணிப்பு
2024 லோக்சபா தேர்தலில் பாஜகவுக்கு பெரும்பான்மை கிடைக்கவில்லை என்பதால், நிதிஷ், சந்திரபாபு நாயுடுவின் ஆதரவால் மோடி தலைமையிலான பாஜக ஆட்சி கைப்பற்றியது. ஆனால், தற்போது தேர்தல் நடந்தால், பாஜக + 324, காங்., + 208 இடங்களில் வெற்றிபெறும் என்று இந்தியா டுடே – சி வோட்டர் நடத்திய கருத்துக் கணிப்பில் தெரியவந்துள்ளது. நாடு முழுவதும் மொத்தம் 2,06,826 பேரிடம் இந்த கருத்துக்கணிப்பு நடத்தப்பட்டுள்ளது.