News August 26, 2024
தெய்வீக லட்சியங்களுக்கு அர்ப்பணிப்போம்: ஜனாதிபதி
கிருஷ்ண ஜெயந்தி விழாவையொட்டி, நாட்டு மக்களுக்கு ஜனாதிபதி திரெளபதி முர்மு வாழ்த்து கூறியுள்ளார். ஸ்ரீ கிருஷ்ணரின் தெய்வீக லட்சியங்களுக்கு நம்மை அர்ப்பணிக்க இந்த விழா நம்மை தூண்டுவதாக குறிப்பிட்டுள்ள அவர், கிருஷ்ணன்-அர்ஜுனன் இடையிலான உரையாடல் மனிதகுலத்திற்கு உத்வேகம் மற்றும் அறிவொளியின் நித்திய ஆதாரம் என்றுள்ளார். மேலும், நாட்டின் முன்னேற்றம், செழிப்புக்காக உழைக்க உறுதியளிப்பதாகவும் கூறியுள்ளார்.
Similar News
News January 25, 2026
மொழிப்போர் தியாகிகளுக்கு EPS வீரவணக்கம்
ஹிந்தி திணிப்பை எதிர்த்து போராடி உயிர்நீத்த மொழிப்போர் தியாகிகளுக்கு இன்று வீரவணக்கம் செலுத்தப்படுகிறது. இந்நிலையில், சங்கத்தில் வளர்ந்து, சரித்திரங்கள் பல படைத்து, சீரிளமை கொண்டு விளங்கும், நம் உயிருக்கு நேராம், செந்தமிழர் தாயாம் அன்னைத் தமிழை காக்க தன்னுயிர் நீத்த மொழிப்போர் தியாகிகளுக்கு வீரவணக்கம் என EPS பதிவிட்டுள்ளார்.
News January 25, 2026
மத்திய அமைச்சர் பதவியை ராஜினாமா செய்ய முடிவு!
மாநில அரசியலுக்கு திரும்ப விரும்புவதாக மத்திய தொழில் துறை அமைச்சரும், மஜத தலைவருமான குமாரசாமி தெரிவித்துள்ளார். ஹாசனில் நடைபெற்ற விழாவில் பேசிய அவர், மாநில விவசாயிகளுக்கு செய்ய விரும்பிய சிலவற்றை தன்னால் செய்ய முடியவில்லை என வேதனையுடன் கூறியுள்ளார். இதனால், அவர் அமைச்சர் பதவியை ராஜினாமா செய்துவிட்டு 2028 பேரவைத் தேர்தலுக்காக மாநில அரசியலில் கூடுதல் கவனம் செலுத்த உள்ளதாக தகவல் வெளியாகியுள்ளது.
News January 25, 2026
ஜன நாயகன் படத்திற்கு புதிய சிக்கல்?
‘ஜன நாயகன்’ மேல்முறையீட்டு வழக்கில் ஜன.27-ல் மெட்ராஸ் HC தீர்ப்பு அளிக்கவுள்ளது. இதில் இரு நீதிபதிகளும் மாறுபட்ட தீர்ப்புகளை வழங்கினால் வழக்கு 3-வது நீதிபதிக்கு மாற்றப்படும். அவர் வழக்கை புதிதாக விசாரித்து தீர்ப்பளிப்பார். அத்தீர்ப்பு முந்தைய இரு நீதிபதிகள் வழங்கிய தீர்ப்புகளில் ஒன்றுடன் ஒத்துப்போனால், அது பெரும்பான்மையாக கருதப்படும். இதற்கு காலம் ஆகும் என்பதால் பட ரிலீஸ் மேலும் தாமதமாகலாம்.