News October 13, 2025
RSS நிகழ்ச்சிகளுக்கு தடைவிதிக்க கோரிக்கை
கர்நாடகாவில் உள்ள அரசு பள்ளிகள், கோயில்களில் RSS நிகழ்ச்சிகளுக்கு தடைவிதிக்க CM சித்தராமையாவை வலியுறுத்தியுள்ளதாக அம்மாநில அமைச்சர் பிரியங்க் கார்கே தெரிவித்துள்ளார். இளம் வயதினரை RSS மூளைச்சலவை செய்கிறது. அந்த அமைப்பின் தத்துவங்கள் நல்லவையாக இருந்தால் பாஜக தலைவரின் குழந்தைகள் ஏன் பின்பற்றுவதில்லை. அரசியலமைப்பிற்கு எதிரான தத்துவத்தை இளம் வயதினரிடையே பரப்புவதாகவும் அவர் சாடியுள்ளார்.
Similar News
News October 13, 2025
கடன் தொல்லை போக்கும் மிளகு தீபம்!
திங்கள் இரவில், 27 மிளகுகளை ஒரு சிறிய வெள்ளை துணியில் வைத்து மூட்டையாகக் கட்டி, அதனை தலையணைக்கு அடியில் வைத்து உறங்க வேண்டும். செவ்வாய் காலை குளித்துவிட்டு, அந்த மூட்டையை பைரவர் சன்னதிக்கு எடுத்துச்சென்று ஒரு அகல் விளக்கில் நல்லெண்ணெய் ஊற்றி, இந்த மூட்டையை அதில் நனைத்து வைத்து தீபம் ஏற்றவேண்டும். தொடர்ந்து 9 வாரம் இந்த மிளகு பரிகாரத்தை செய்து வந்தால் கடன் தொல்லை தீரும் என்பது நம்பிக்கை.
News October 13, 2025
விஜய் கூட்டணிக்கு வர அழைப்பு விடுத்தார்
திமுக எதிர்ப்பு வாக்குகள் பிரிந்துவிடக் கூடாது, எதிர்க்கட்சிகள் உதிரியாக இல்லாமல் உறுதியாக இருக்க வேண்டும் என தமிழிசை கூறியுள்ளார். அப்படி எதிர்க்கட்சிகள் உறுதியாக இருக்க, தேவையான நடவடிக்கைகளை எடுத்தாக வேண்டும் என்ற அவர், இதனை புரிந்துகொள்ள வேண்டியது விஜய்யின் கடமை என்றார். மேலும், OPS, டி.டி.வி.தினகரனுக்கும் இது பொருந்தும் என அவர் சூசகமாக தெரிவித்துள்ளார்.
News October 13, 2025
வாரிசு நடிகர் என்ற பெயரை போக்க முயற்சிப்பேன்: துருவ்
தந்தையை நடிப்பு ரீதியாக தோற்கடிக்க முயற்சிப்பேன் என துருவ் விக்ரம் தெரிவித்துள்ளார். ‘பைசன்’ ஷூட்டிங்கில் காயம்பட்டதை விக்ரமிடம் சொன்னபோது, சினிமாவில் இதை பழகிக்கொண்டால் முன்னேறலாம் என்று கூறியதாகவும் அவர் நினைவுகூர்ந்துள்ளார். மேலும், வாரிசு நடிகர் என்ற விமர்சனங்களை முறியடிப்பதற்காகவும், தன்னை அடையாளப்படுத்தி கொள்ளவும், இந்த வலி மிகுந்த பயணத்தில் தொடர்ந்து பயணிப்பேன் என்றும் தெரிவித்துள்ளார்.