News April 9, 2025
கெடு முடிந்தது… சீனாவுக்கு 104% வரி
சீனா தனது 34% வரி அதிகரிப்பை திரும்பப் பெறவில்லை என்றால், ஏப்ரல் 9-ம் தேதி முதல் சீனா மீது 50% கூடுதல் வரிகளை அமெரிக்கா விதிக்கும் என டிரம்ப் எச்சரித்திருந்தார். அமெரிக்கா கொடுத்த 24 மணி நேர கெடு முடித்தும் சீனா வரிவிதிப்பை திரும்பப்பெறவில்லை. இதனையடுத்து சீனா மீது 104% வரி விதிக்கப்படுவதாக வெள்ளை மாளிகை அறிவித்துள்ளது. இந்த அறிவிப்பு இன்று முதல் அமலுக்கு வருவதாகவும் தெரிவிக்கப்பட்டுள்ளது.
Similar News
News January 5, 2026
அரசு ஊழியர்களை ஸ்டாலின் தந்திரமாக ஏமாற்றியுள்ளார்: EPS
தேர்தலில் அறிக்கையில் பழைய ஒய்வூதிய திட்டத்தை நடைமுறைப்படுத்துவோம் என கூறி திமுக, அரசு ஊழியர்களை ஏமாற்றிவிட்டதாக EPS குற்றம்சாட்டியுள்ளார். அவர்கள் கேட்ட பழைய ஓய்வூதிய திட்டத்தை வழங்காமல், புதிய திட்டத்தால் ஊழியர்களை ஏமாற்றுவதாகவும் சாடியுள்ளார். வேலை நிறுத்தத்தை தந்திரமாக ஸ்டாலின் நிறுத்தியதாகவும், அரசாணை வெளியிடும்போது திமுகவை பற்றி அரசு ஊழியர்கள் தெரிந்துகொள்வார்கள் எனவும் கூறியுள்ளார்.
News January 5, 2026
பொங்கல் பரிசு… முக்கிய அறிவிப்பு
பெரும் எதிர்பார்ப்புக்கு மத்தியில் பொங்கல் பரிசுடன் ₹3000 வழங்கப்படும் என CM ஸ்டாலின் நேற்று அறிவித்துவிட்டார். இப்போது தமிழகம் முழுவதும் டோக்கன் விநியோகம் செய்யும் பணி தீவிரமடைந்துள்ளது. இந்நிலையில், இந்த திட்டத்தை வரும் 8-ம் தேதி தொடங்கிவைக்கும் CM, பரிசு தொகையுடன் சேர்த்து பொங்கல் பரிசு தொகுப்பான வேட்டி, சேலை, ஒரு கிலோ பச்சரிசி, வெல்லம், முழு கரும்பு ஆகியவற்றை வழங்குகிறார்.
News January 5, 2026
ஒரு ரேஷன் கார்டு மீது ₹4.54 லட்சம் கடன்: அண்ணாமலை
பொங்கலுக்கு ₹3,000 கொடுத்தால், அனைவரும் திமுகவுக்கு ஓட்டு போட்டுவிடுவார்கள் என அவர்கள் நினைப்பதாக அண்ணாமலை விமர்சித்துள்ளார். 2021-ல் ஒரு ரேஷன் கார்டு மீது ₹2.04 லட்சமாக இருந்த கடன், இப்போது ₹4.54 லட்சமாக அதிகரித்துள்ளதாகவும் அவர் சுட்டிக்காட்டினார். இந்த கடனை நாமும், நமது குழந்தைகளும் தான் கட்ட வேண்டும் எனவும், ஆட்சிக்கு வந்த பின் ₹5 லட்சம் கோடி கடனை திமுக வாங்கியுள்ளதாகவும் குறிப்பிட்டுள்ளார்.