News March 2, 2025
சீமானுக்கு ஆபத்து: பாதுகாப்பு வழங்கும் மத்திய அரசு?
தமிழகம் வந்த மத்திய உள்துறை அமைச்சர் அமித்ஷாவிடம், சீமான் உயிருக்கு அச்சுறுத்தல் உள்ளதாக உளவுத்துறை அதிகாரிகள் தெரிவித்துள்ளனர். அத்துடன், அவருக்கு மத்திய அரசின் பாதுகாப்பு தேவை எனவும் கூறியுள்ளனர். இதைக்கேட்ட அமித்ஷா, இதுகுறித்த கோப்புகளை தனக்கு விரைவாக அனுப்பி வைக்குமாறு உத்தரவிட்டுள்ளார். இதனால், விஜய்யைத் தொடர்ந்து சீமானுக்கும் Y பிரிவு பாதுகாப்பு வழங்கப்பட வாய்ப்புள்ளதாகக் கூறப்படுகிறது.
Similar News
News March 12, 2026
அதிமுகவுடன் கூட்டணி.. கடைசிநேரத்தில் அறிவித்தார்
NDA கூட்டணியில் புதிய கட்சியாக முல்லை மக்கள் பேரவை இணைந்துள்ளது. நேற்று நடைபெற்ற NDA கூட்டத்தில் அக்கட்சியின் நிறுவனத் தலைவர் நாசே ராமச்சந்திரனும் பங்கேற்றார். இதனையடுத்து, வரும் தேர்தலில் NDA-வுக்கு முல்லை மக்கள் பேரவை ஆதரவளிப்பதாக அவர் அறிவித்துள்ளார். தமிழக காங்கிரஸில் பொருளாளர் உள்ளிட்ட பதவிகளை வகித்த நாசே ராமச்சந்திரன், புதிய கட்சி தொடங்கியிருப்பது குறிப்பிடத்தக்கது.
News March 12, 2026
ஜனநாயகன் ஓடிடி உரிமம் ரத்தானதா?
சென்சார் சிக்கலால் விஜய்யின் ஜனநாயகன் ரிலீசில் தாமதம் நீடிக்கிறது. இந்நிலையில், படத்தின் ஓடிடி உரிமையை ₹120 கோடிக்கு வாங்கிய சம்பந்தப்பட்ட நிறுவனம், ஓடிடி ஒப்பந்தத்தை ரத்து செய்துவிட்டதாக தகவல் கசிந்துள்ளது. ஆனால், இதுபற்றி படக்குழுவிடம் இருந்து அதிகாரப்பூர்வ தகவல் எதுவும் வரவில்லை. இதனிடையே, அடுத்த வாரம் ரிவைஸிங் கமிட்டி, படத்தை பார்த்து சென்சார் சான்று வழங்கும் என எதிர்பார்க்கப்படுகிறது.
News March 12, 2026
அரசு தேர்வு எழுத வந்த நாய்.. வைரல் PHOTO!
பிஹார் நீதிமன்ற பியூன் வேலைக்காக ராகேஷ் குமார், 2022-ல் விண்ணப்பித்துள்ளார். 4 வருட காத்திருப்பிற்கு பிறகு அவருக்கு வந்த ஹால்டிக்கெட்டில், அவரின் போட்டோவிற்கு பதிலாக நாயின் போட்டோ இடம்பெற்றிருந்தது. தேர்வு தேதி நெருங்கி வரும் சூழலில், இது குறித்து புகார் அளித்தும் நடவடிக்கை எடுக்கவில்லை என ராகேஷ் வருத்தம் தெரிவித்துள்ளார். அதிகாரிகள் அலட்சியத்தை நெட்டிசன்கள் கடுமையாக விமர்சித்து வருகின்றனர்.