News March 24, 2025
கிரிக்கெட் வீரர் தமிம் இக்பாலுக்கு நெஞ்சு வலி
பிரபல வங்கதேச கிரிக்கெட் வீரர் தமிம் இக்பால் நெஞ்சு வலி காரணமாக ஹாஸ்பிடலில் அனுமதிக்கப்பட்டுள்ளார். டாக்காவில் கிரிக்கெட் லீக் போட்டியில் விளையாடிக் கொண்டிருந்தபோது நெஞ்சு வலி காரணமாகச் சுருண்டு விழுந்த அவரை அழைத்துச் செல்ல ஹெலிகாப்டர் ஏற்பாடு செய்யப்பட்ட நிலையில், வலி அதிகமானதால் அருகில் உள்ள ஹாஸ்பிடலில் அனுமதிக்கப்பட்டுள்ளார். அங்கு அவருக்குத் தொடர் சிகிச்சை அளிக்கப்பட்டு வருகிறது.
Similar News
News March 27, 2025
தங்கம் ‘டெபாசிட்’ திட்டம் நிறுத்தம்
தங்கத்தை வங்கியில், ‘டெபாசிட்’ செய்து வட்டி வருமானம் ஈட்டும், தங்க முதலீட்டுத் திட்டத்தை நேற்று முதல் நிறுத்துவதாக மத்திய அரசு அறிவித்துள்ளது. இத்திட்டம் 1-3 வரை குறுகிய காலம்; 5-7 ஆண்டுகள் வரை நடுத்தர காலம்; 12 – 15 ஆண்டுகள் வரை நீண்ட காலம் என 3 விதமாக செயல்படுத்தப்பட்டது. இதில் நடுத்தர, நீண்ட கால திட்டங்கள் நிறுத்தப்பட்டுள்ளன. குறுகிய கால திட்டத்தைத் தொடர மத்திய அரசு அனுமதித்துள்ளது.
News March 27, 2025
வங்கியில் தங்கம் டெபாசிட் (GMS) திட்டம் நிறுத்தம்!
தங்கத்தை வங்கியில், டெபாசிட் செய்து வட்டி வருமானம் ஈட்டும், தங்க முதலீடு திட்டத்தை நிறுத்துவதாக மத்திய அரசு அறிவித்துள்ளது. 2015இல் அறிமுகப்படுத்தப்பட்ட இந்தத் திட்டத்தின் செயல்பாடுகளை மதிப்பீடு செய்தபின், இந்த முடிவு எடுக்கப்பட்டுள்ளதாகக் கூறப்பட்டுள்ளது. ஏற்கனவே, தங்கத்தை முதலீடு செய்திருந்தால், தற்போதைய விதிகளின்படி, அதற்கான காலம் முடியும் வரை பலன்களைப் பெறலாம் எனவும் விளக்கமளிக்கப்பட்டுள்ளது.
News March 27, 2025
அண்ணாமலை இன்று டெல்லி பயணம்!
பாஜக மாநிலத் தலைவர் அண்ணாமலை இன்று டெல்லி சென்று அமித்ஷாவை சந்திக்க உள்ளார். இந்த சந்திப்பின் போது, மாநிலத் தலைவர் பதவி, இபிஎஸ் முன்வைத்த புகார், 2026 தேர்தல் கூட்டணி உள்ளிட்ட பல்வேறு விஷயங்களை அண்ணாமலையுடன் அமித்ஷா ஆலோசிக்க உள்ளதாகத் தகவல் வெளியாகியுள்ளது. இபிஎஸ் டெல்லி சென்று திரும்பிய நிலையில், உடனடியாக அண்ணாமலை டெல்லி செல்வது தமிழக அரசியல் வட்டாரத்தில் பரபரப்பை ஏற்படுத்தி உள்ளது.