News April 28, 2024
தீவிரவாதிகள் இறந்தால் கண்ணீர் வடிக்கும் காங்கிரஸ்
காங்கிரஸ் ஆட்சி அமைத்த பிறகே, பெங்களூருவில் குண்டு வெடித்ததாகப் பிரதமர் மோடி குற்றம்சாட்டியுள்ளார். கர்நாடகாவில் பிரசாரம் செய்த அவர், குண்டு வெடித்ததை சிலிண்டர் வெடித்ததாக காங்கிரஸ் அரசு கூறியதாகத் தெரிவித்தார். தீவிரவாதிகள் கொல்லப்படுவதற்காகக் கண்ணீர் வடிப்பதுதான் காங்கிரசின் சாதனை என விமர்சித்த அவர், டெல்லியில் இப்படியொரு சம்பவம் நடந்தபோதும் காங்கிரஸ் கண்ணீர் வடித்ததாகக் கூறினார்.
Similar News
News January 25, 2026
கடலூர்: இலவச தையல் மிஷின் வேண்டுமா ?
சத்யவாணி முத்து அம்மையார் நினைவு இலவச தையல் இயந்திரத் திட்டத்தின் கீழ் பொருளாதாரத்தில் பின்தங்கிய பெண்கள், மாற்றுத்திறனாளிகள் ஆகியோருக்கு இலவச தையல் இயந்திரங்கள் வழங்கப்படுகிறது. ஆண்டுக்கு ரூ.72,000-க்கும் கீழ் வருமானம் ஈட்டுபவர்கள் தங்கள் அருகில் உள்ள இ-சேவை மையம் மூலமாக இதற்கு விண்ணப்பிக்கலாம். மேலும் விபரங்களுக்கு கடலூர் மாவட்ட சமூக நலத்துறை அலுவலகத்தை அணுகவும். இந்த தகவலை SHARE செய்யவும்!
News January 25, 2026
மேலும் ஒரு இந்து இளைஞர் தீ வைத்து எரிப்பு!
இந்துக்கள் கொல்லப்படுவது வங்கதேசத்தில் தொடர்கதையாகி வருகிறது. மெக்கானிக் கடையில் வேலை பார்த்து வந்த சன்சல் பவுமிக்(23), கடந்த 23-ம் தேதி எரித்து கொல்லப்பட்டுள்ளார். இரவு கடையை மூடிவிட்டு கிளம்பும் போது, அவர் மீது தீ வைத்த சிலர் கடைக்குள் தள்ளி ஷட்டரை மூடியுள்ளனர். இதில், சன்சல் துடிதுடித்து மரணமடைந்துள்ளார். இது திட்டமிட்ட கொலை என சன்சலின் குடும்பத்தினரும் உறவினர்களும் குற்றம் சாட்டுகின்றனர்.
News January 25, 2026
பள்ளிகளில் ‘அயலி’ திரைப்படம்
பெண் கல்வியின் முக்கியத்துவத்தை வலியுறுத்தும் ‘அயலி’ வெப் சீரிஸை அரசுப் பள்ளிகளில் ஒளிபரப்ப பள்ளிக் கல்வித்துறை அறிவுறுத்தியுள்ளது. அரசுப் பள்ளிகளில் 6 முதல் 9-ம் வகுப்பு வரையிலான மாணவர்களுக்கு மாதந்தோறும் சிறார் படம் திரையிடப்பட்டு வரும் நிலையில், ஜனவரியில் அயலி திரையிட வேண்டும் என கேட்டுக்கொள்ளப்பட்டுள்ளது. 2023-ல் வெளியான அயலி சர்வதேச திரைப்பட விழாக்களில் பல விருதுகளை பெற்றது குறிப்பிடத்தக்கது.