News May 10, 2024
குறைந்த தொகுதிகளில் போட்டியிடும் காங்கிரஸ்
காங்கிரஸ் கட்சி கடந்த 20 ஆண்டுகளில் முதல் முறையாக 400 தொகுதிகளுக்கு குறைவாக போட்டியிடுகிறது. 2024 மக்களவைத் தேர்தலில் 326 இடங்களில் மட்டுமே அக்கட்சி போட்டியிடுகிறது. கூட்டணி கட்சிகளுடனான தொகுதி உடன்பாடு காரணமாக, காங்கிரஸ் போட்டியிடும் இடங்களின் எண்ணிக்கை குறைந்துள்ளது. கடந்த 2019, 2014, 2009, 2004 தேர்தல்களில் முறையே 421, 464, 440, 417 இடங்களில் காங்கிரஸ் கட்சி போட்டியிட்டது குறிப்பிடத்தக்கது.
Similar News
News September 22, 2025
பள்ளியில் இருந்து ஒன்றாக விளையாடும் கில் – அபிஷேக்
நேற்றைய பாகிஸ்தானுக்கு எதிரான ஆட்டத்தில் கில்(47), அபிஷேக் சர்மா(74) ஜோடி அதிரடியான தொடக்கத்தை கொடுத்தனர். இருவரும் பஞ்சாப் மாநிலத்தை சேர்ந்தவர்கள் என்பதால் சிறுவயதில் இருந்து ஒன்றாக விளையாடி வருகின்றனர். பள்ளியில் இருந்து கில்லுடன் ஒன்றாக விளையாடுவது மகிழ்ச்சியாக உள்ளதாக ஆட்டநாயகன் விருதை வாங்கிய பின் அபிஷேக்கும் குறிப்பிட்டார். இருவருக்கும் யுவராஜ் ஆலோசகராக இருந்துள்ளது குறிப்பிடத்தக்கது.
News September 22, 2025
பாலஸ்தீனை தனி நாடாக அங்கீகரித்த போர்ச்சுகல்
இஸ்ரேலின் எதிர்ப்பை மீறி <<17787971>>UK, ஆஸ்திரேலியா, கனடா<<>> நாடுகள் பாலஸ்தீனத்தை தனி நாடாக அங்கீகரித்துள்ளன. இதற்கு கடும் கண்டனங்களை இஸ்ரேல் தெரிவிக்க, மறுபுறம் பாலஸ்தீன அரசு மகிழ்ச்சியுடன் வரவேற்றுள்ளது. இந்நிலையில் போர்ச்சுகலும் பாலஸ்தீனத்தை தனி நாடாக அதிகாரப்பூர்வமாக அங்கீகரித்துள்ளது. அடுத்த வாரம் கூடவுள்ள ஐ.நா. பொதுக்கூட்டத்தில் பிரான்ஸும் முறைப்படி பாலஸ்தீனத்தை அங்கீகரிக்கும் என எதிர்பார்க்கப்படுகிறது.
News September 22, 2025
தினம் ஒரு திருக்குறள்
▶குறள் பால்: பொருட்பால் ▶இயல்: அரசியல் ▶அதிகாரம்: தெரிந்துசெயல்வகை
▶குறள் எண்: 466
▶குறள்: செய்தக்க அல்ல செயக்கெடும் செய்தக்க
செய்யாமை யானுங் கெடும்.
▶பொருள்: செய்யக் கூடாததைச் செய்வதால் கேடு ஏற்படும்; செய்ய வேண்டியதைச் செய்யாமல் விட்டாலும் கேடு ஏற்படும்.