News August 18, 2025
விசிக – சிபிஎம் இடையே கருத்து மோதல்: கூட்டணியில் சலசலப்பு
தூய்மை பணியாளர்களின் பணி நிரந்தர விவகாரத்தில் திமுக கூட்டணிக்குள் மோதல் நிலவுகிறது. குப்பை அள்ளுபவர்களை பணி நிரந்தரம் செய்து அவர்களை குப்பை மட்டுமே அள்ள சொல்வதில் உடன்பாடு இல்லை என திருமாவளவன் தெரிவித்திருந்தார். இதனை எதிர்த்த சிபிஎம் மாநில செயலாளர் சண்முகம், பணி நிரந்தரம் என்பது சட்டப்பூர்வமான கோரிக்கை என வலியுறுத்தியுள்ளார். இதனால், கூட்டணிக்குள் சலசலப்பு ஏற்பட்டுள்ளது. யாருடைய கருத்து சரி?
Similar News
News March 11, 2026
நம் குடும்பத்தை பிரித்தது திமுக தான்: அன்புமணி
கடந்த 6 மாதமாக நடப்பதை எல்லாம் தன்னால் வெளியே சொல்ல முடியாது என அன்புமணி வேதனையுடன் தெரிவித்துள்ளார். பல்லாவரத்தில் பேசிய அவர், நன்றாக இருந்த குடும்பத்தை பிரித்து இந்த நிலைமைக்கு கொண்டு வந்ததற்கு காரணமே கேடுகெட்ட திமுக தான் என்றார். பாமக என்ற நம் குடும்பத்திற்குள் திமுக குழப்பத்தை ஏற்படுத்தியது; வரும் தேர்தலில் உங்கள் கோபத்தை எல்லாம் இந்த தீயசக்தி திமுக மீது காண்பியுங்கள் எனவும் கூறியுள்ளார்.
News March 11, 2026
சிலிண்டர் தட்டுப்பாட்டால் இணைய சேவை பாதிப்பா?
சிலிண்டர் பற்றாக்குறையால் மொபைல் மற்றும் இணைய சேவை பாதிக்கப்பட வாய்ப்புள்ளதாக தகவல் வெளியாகியுள்ளது. அதாவது செல்போன் டவர்கள் துருப்பிடிப்பதை தடுக்க அவற்றின் உற்பத்தியின் போது பயன்படுத்தப்படும் துத்தநாகத்தின் பாதுகாப்பு அடுக்குக்கு எல்பிஜி/எல்என்ஜி தேவைப்படுகிறது. தற்போது அவை கிடைப்பதில் தட்டுப்பாடு நிலவுவதால், இது நெட்வொர்க் விரிவாக்கத்தை தாமதப்படுத்தும் & இணைய சேவையை பாதிக்கும் என்கின்றனர்.
News March 11, 2026
ஹீரோயினாகும் மகள் குறித்து மனம் திறந்த குஷ்பூ
சுந்தர் சி – குஷ்பூ தம்பதியரின் மகளான அவந்திகா `ஆரம்பம்’ என்ற மலையாள படம் மூலம் சினிமாவில் நடிகையாக அறிமுகமாகிறார். இந்நிலையில், குழந்தைகள் அவர்கள் விரும்புவதை அவர்களாகவே செய்ய வேண்டும்; அடிபட்டாலும் பரவாயில்லை, கீழே விழுந்து எழுந்து பாடம் கற்றுக் கொள்ளட்டும் என குஷ்பூ கூறியுள்ளார். இதில் தங்கள் பங்களிப்பு துளியும் இல்லை; அவளாகவே கதை கேட்டு, முடிவு செய்கிறாள் எனவும் தெரிவித்துள்ளார்.