News June 18, 2024
இசைக் கலைஞர்களுக்கு பேருந்துகளில் கட்டணச் சலுகை
இசைக் கலைஞர்களுக்கு நடைமுறையில் உள்ள பேருந்து சலுகைகளை தொய்வின்றி வழங்குமாறு தமிழக அரசு அறிவுறுத்தியுள்ளது. நாட்டுப்புறக் கலைஞர்கள் உள்ளிட்டோர் தொழில்முறையாக பயணிக்கும் போது 50% கட்டணச் சலுகை வழங்குமாறும், இசைக் கருவிகளை கட்டணமின்றி அரசுப் பேருந்துகளில் எடுத்துச் செல்லலாம் எனவும் கூறப்பட்டுள்ளது. சிவகங்கையில் இசைக்கருவியுடன் பயணிக்க அனுமதி மறுத்தது சர்ச்சையான நிலையில் விளக்கமளிக்கப்பட்டுள்ளது.
Similar News
News March 14, 2026
இந்திய கப்பல்களுக்கு அனுமதி வழங்கியுள்ளோம்: ஈரான்
இந்திய கப்பல்கள் ஹார்முஸ் நீரிணை வழியாக செல்ல அனுமதிக்கப்பட்டுள்ளதாக இந்தியாவுக்கான ஈரான் தூதர் தெரிவித்துள்ளார். எத்தனை கப்பல்களுக்கு அனுமதி அளிக்கப்பட்டுள்ளது என்பதை இப்போது சொல்ல முடியாது என்ற அவர், இந்த விவகாரத்தில் கவனம் செலுத்தப்படும் என்று குறிப்பிட்டார். மேலும், இந்தியா – ஈரான் நாடுகளிடையேயான உறவு ஆழமாக இருப்பதாகவும், தற்போது இருநாடுகளும் ஒன்றுக்கொன்று ஆதரவளித்து வருவதாகவும் தெரிவித்தார்.
News March 14, 2026
BREAKING: விஜய்க்கு முதலிடம்.. புதிய கருத்துக்கணிப்பு
லயோலா(IPDS) கருத்துக்கணிப்பில், இளைஞர்களின் நம்.1 தேர்வாக விஜய் இருப்பதாக தெரிவிக்கப்பட்டுள்ளது. திமுக, விசிக, நாதக, அதிமுக, பாஜக என்ற வரிசையில் பிற கட்சிகளின் வாக்குகளை விஜய் உடைப்பார் என கூறப்பட்டுள்ளது. அடுத்த முதல்வருக்கான ரேஸில் CM ஸ்டாலினை விஜய் நெருங்கிவிட்டதாகவும், நகர்ப்புறங்களில் திமுக கூட்டணிக்கு 24.77%, தவெகவுக்கு 23.44% மக்கள் ஆதரவு இருப்பதாகவும் குறிப்பிடப்பட்டுள்ளது.
News March 14, 2026
வங்கி கணக்கில் ₹25,000.. அரசு அறிவிப்பு FACTCHECK
PM Laptop Scheme 2026 திட்டத்தின் மூலம் அனைத்து மாணவர்களுக்கும் இலவச லேப்டாப் (அ) ₹25,000 வழங்கப்படும் என மத்திய அரசு அறிவித்துள்ளதாக SM-ல் தகவல் பரவி வருகிறது. ‘CareerNotify18’ என்ற யூடியூப் சேனலில் வெளியான இந்த தகவல் பொய்யானது என மத்திய அரசின் உண்மை சரிபார்ப்பகம் விளக்கம் அளித்துள்ளது. myscheme.gov.in. இணையதளம் சென்று அதிகாரப்பூர்வ தகவல்களை அறிந்து கொள்ளலாம் எனவும் தெரிவிக்கப்பட்டுள்ளது.