News October 21, 2025
காவலர் நினைவுச் சின்னத்தில் CM ஸ்டாலின் மரியாதை
காவலர் வீரவணக்க நாளை முன்னிட்டு, சென்னை டிஜிபி வளாகத்தில் உள்ள காவலர் நினைவுச் சின்னத்தில் மலர்வளையம் வைத்து CM ஸ்டாலின் மரியாதை செலுத்தினார். வீர மரணமடைந்த காவலர்களுக்கு ராயல் சல்யூட் அடித்த CM, இதனையடுத்து மரக்கன்றையும் நட்டார். அதன் பின்னர், காவல்துறையில் கருணை அடிப்படையில் நியமனம் பெற்றவர்களுக்கு பணிநியமன ஆணைகளை வழங்கினார். #PoliceCommemorationDay
Similar News
News October 21, 2025
நாட்டிலேயே தமிழகத்தில் அதிக MBBS இடங்கள்
இந்தியாவில் MBBS இடங்களின் எண்ணிக்கை 1,37,600 ஆக உயர்ந்துள்ளது. அரசு மருத்துவ கல்லூரிகளில் 73,300 இடங்களும், தனியாரில் 64,300 இடங்களும் உள்ளன. அதிகபட்சமாக தமிழகத்தில் 11,825 மருத்துவ இடங்கள் உள்ளன. அடுத்தடுத்த இடங்களில் கர்நாடகா – 11,695, உ.பி., – 11,250 என இருக்கின்றன. இந்த மருத்துவ இடங்களின் அதிகரிப்பால், 1,000 பேருக்கு 1 டாக்டர் என்ற WHO பரிந்துரைத்த நிலையை வேகமாக அடைய உதவும் என நம்பப்படுகிறது.
News October 21, 2025
பிரபல நடிகர் அஸ்ரானி காலமானார்.. PM மோடி இரங்கல்
பாலிவுட் <<18059439>>நடிகர் கோவர்தன்<<>> அஸ்ரானியின் மறைவால், மிகவும் சோகத்தில் இருப்பதாக பிரதமர் மோடி பதிவிட்டுள்ளார். மிக சிறந்த நடிகரான அஸ்ரானி தனது நகைச்சுவையின் மூலம் பலரையும் சிரிக்க வைத்துள்ளதாக குறிப்பிட்டு, இந்திய சினிமாவிற்கு அவரின் பங்களிப்பு ஈடுயிணையற்றது எனவும் பதிவிட்டுள்ளார். ஷோலே படத்தின் மூலம் புகழின் உச்சிக்கு சென்ற அஸ்ரானி மறைவுக்கு பிரபலங்கள் பலரும் இரங்கல் தெரிவித்து வருகின்றனர்.
News October 21, 2025
RTE மாணவர் சேர்க்கையில் திமுக படுதோல்வி: அன்புமணி
RTE-யின் கீழ் தனியார் உயர்நிலை & மேல்நிலை பள்ளிகளில் உள்ள 34,666 இடங்களுக்கு, வெறும் 16,006 பேரே சேர்ந்துள்ளது, திமுக அரசு படுதோல்வி அடைந்ததை காட்டுவதாக அன்புமணி விமர்சித்துள்ளார். இதுவரை பள்ளியில் சேராதவர்களும் விண்ணப்பிக்கலாம் என அறிவித்திருந்தால், மீதமுள்ள 18,600 இடங்களும் நிரம்பியிருக்கும் என்றும் கூறியுள்ளார். எனவே, மீண்டும் மாணவர் சேர்க்கையை புதிதாக நடத்த அவர் வலியுறுத்தியுள்ளார்.