News November 6, 2025
CM ஸ்டாலின் அறிக்கை விட்டு ஒளிந்துகொள்வார்: விஜய்
தவெக பொதுக்குழுவில் CM ஸ்டாலினை விஜய் கடுமையாக தாக்கி பேசியுள்ளார். மக்களுக்கு திமுக அரசு மீதான நம்பிக்கை முழுவதுமாக மண்ணில் புதைந்துவிட்டதாகவும், 2026 தேர்தலில் திமுக தலைமைக்கு அதை இன்னும் ஆழமாக புரிய வைப்பார்கள் என்றும் விஜய் கூறினார். அப்போது, பழக்க தோஷத்தில் மக்கள் தீர்ப்புக்கு தலை வணங்குகிறோம் என்று அறிக்கை வெளியிட்டு, அறிவாலயத்திற்குள் ஸ்டாலின் ஓடி ஒளிந்துகொள்வார் என அவர் விமர்சித்துள்ளார்.
Similar News
News February 7, 2026
சென்னை: கல்லூரி மாணவர் தூக்கிட்டு தற்கொலை!
கொடுங்கையூர் மீனாம்பாள் சிவரான் தெருவில் வசிப்பவர் நசீமா பேகம். கணவரை பிரிந்து தனது மகன் பசுருல்லா (23) உடன் தனியாக வசித்து வந்தார். இவர், கொடுங்கையூரில் உள்ள தனியார் கல்லூரியில் படித்து வந்தார். இந்நிலையில் நேற்று இரவு வீட்டில் உள்ள அறையில் தூங்க சென்ற பசுருல்லா, மின்விசிறியில் தாயின் சேலையால் தூக்கிட்டு தற்கொலை செய்து கொண்டார். இதுகுறித்து கொடுங்கையூர் போலீசார் விசாரித்து வருகின்றனர்.
News February 7, 2026
கூட்டணி விவகாரத்தில் CM ஸ்டாலின் முன் உள்ள சவால்கள்
பேரவைத் தேர்தல் களம் சூடுபிடித்துள்ள போதிலும் கூட்டணி விவகாரம் இன்னும் முடியாமல் உள்ளது. தங்கள் கூட்டணி வலுவாக உள்ளதாக திமுகவினர் கூறி வரும் போதிலும், காங்., விசிக, கம்யூனிஸ்ட், மதிமுக, மநீம என அனைவருமே கூடுதல் சீட்டுகள் கேட்டு தலைமைக்கு நெருக்கடி கொடுக்கின்றனர். அதற்கு புதிய கட்சியின் வருகையே காரணம் எனக் கூறப்படுகிறது. இதனை சமாளிக்க ஸ்டாலின் திமுகவில் விரைவில் குழு ஒன்றை அமைக்க உள்ளாராம்.
News February 7, 2026
அறுபடை வீடுகளுக்கும் செல்வாரா PM மோடி?
மார்ச் 1-ல் மதுரையில் நடைபெறவுள்ள NDA பொதுக்கூட்டத்தில் PM மோடி பங்கேற்கவுள்ளார். அப்போது அவர் திருப்பரங்குன்றம் கோயிலில் சாமி தரிசனம் செய்ய வாய்ப்புள்ளதாக நயினார் தெரிவித்திருந்தார். இந்நிலையில், அறுபடை வீடுகளுக்கும் PM மோடி சென்று தரிசனம் செய்துவிட்டு, கோயில் நிர்வாகங்கள் எப்படி இருக்கின்றன என்பதை அவர் பார்க்க வேண்டும் என அமைச்சர் சேகர் பாபு வேண்டுகோள் விடுத்துள்ளார்.