News August 8, 2025
இந்தியாவிற்கு ஆதரவாக களமிறங்கிய சீனா
இந்திய பொருள்களுக்கு 50% வரிவிதித்த டிரம்பை, இந்தியாவிற்கான சீன தூதர் Xu Feihong சாடியுள்ளார். கொடுமைகாரர்களுக்கு ஒரு அங்குலம் கொடுத்தால், அவர்கள் ஒரு மைல் தூரம் செல்வார்களாம் என்ற பழமொழியை சுட்டிக்காட்டி அவர் விமர்சித்துள்ளார். மேலும், அமெரிக்கா வரிவிதிப்பை மற்ற நாடுகளை அழுத்தும் ஆயுதமாக பயன்படுத்துவதாகவும், ஐநா மற்றும் உலக வர்த்தக விதிகளை மீறுவதாகவும் அவர் குற்றஞ்சாட்டியுள்ளார்.
Similar News
News August 8, 2025
MGR ஸ்டைலில் களமிறங்கும் நயினார் நாகேந்திரன்
தேர்தல் சுற்றுப்பயணத்திற்கு தயாராகியுள்ள நயினார் நாகேந்திரன் MGR பயன்படுத்திய காரின் பதிவெண்ணிலேயே(4777) பிரேத்யேகமாக வாகனம் ஒன்றை வடிவமைத்துள்ளது அரசியல் கவனத்தை ஈர்த்துள்ளது. MGR தீவிர ரசிகரான நயினார், அதிமுகவின் மூலம் அரசியல் அடையாளம் பெற்றவர். வரும் 17-ம் தேதி நெல்லையில் தனது தேர்தல் பயணத்தை தொடங்கும் நயினார், அனைத்து தொகுதிகளிலும் MGR ஸ்டைலில் மக்களை சந்திக்கவும் திட்டமிட்டுள்ளதாக தெரிகிறது.
News August 8, 2025
வேண்டிய வரங்களை தரும் வனதுர்க்கை கோயில்!
கும்பகோணம் கதிராமங்கலத்தில் கிழக்கு நோக்கி வலதுகையில் அபய ஹஸ்தம், வரதம் என 2 முத்திரைகளுடன் துர்கை அம்மன் காட்சி தருகிறார். சேதமடைந்த தனது வீட்டு கூரை அம்மன் அருளால், நெற்கதிர்களால் வேயப்பட்டதால், ‘கதிர்வேய்ந்த மங்கல நாயகி’ எனப்பாடி கவிஞர் கம்பர் மனமுருகி பாடினார். அதுவே ‘கதிராமங்கலம்’ ஆனது. அர்ச்சனை செய்யும்போது அம்பாளின் வலதுகரத்தில் வியர்வை முத்துக்கள் வெளிப்படுவதாக கூறப்படுகிறது.
News August 8, 2025
மாநில கல்விக் கொள்கையை வெளியிடுகிறார் CM ஸ்டாலின்
மத்திய அரசின் புதிய கல்விக் கொள்கைக்கு மாற்றாக, பள்ளிக்கல்வித் துறைக்கான <<17330291>>மாநில கல்விக் கொள்கையை<<>> CM ஸ்டாலின் இன்று வெளியிடுகிறார். மாநில கல்விக் கொள்கையானது பள்ளிக்கல்வி, உயர்கல்வி என தன தனித்தனியாக பிரிக்கப்பட்டுள்ளது. முதல்கட்டமாக இன்று பள்ளிக்கல்விக்கான அறிக்கையை CM வெளியிடுகிறார். இதில் சாத்தியம் உள்ள திட்டங்கள் நடப்பு ஆண்டிலேயே அமல்படுத்தப்படும் என அதிகாரிகள் தெரிவித்துள்ளனர்.